ກາຍເປັນຜູ້ສະໜອງຢ່າງເປັນທາງການໃຫ້ກຸ່ມເຟີນີເຈີໄມ້ ຊັ້ນນຳຂອງໂລກ IKEA, ແມ່ນໜຶ່ງໃນ 15 ຜູ້ສະໜອງທີ່ສຳຄັນຢູ່ອາຊີຕາເວັນອອກສ່ຽງໃຕ້
ເປັນເວລາຫຼາຍປີຕິດຕໍ່ກັນ, Woodsland ໄດ້ກຸ່ມເຄື່ອງເຟີນີເຈີໄມ້ທີ່ໃຫຍ່ທີສຸດຂອງໂລກ IKEA ຕີລາຄາວ່າເປັນຜູ້ສະໜອງໄມ້ທີ່ມີຄວາມສາມາດບົ່ມຊ້ອນ, ປະຕິບັດຕາມມາດຕະຖານຄຸນນະພາບຢ່າງເຂັ້ມງວດແລະຕອບສະໜອງຄວາມຕ້ອງການຂອງຕະຫຼາດທີ່ເອົາໃຈຍາກຄື EU.
ປັດຈຸບັນ, ຜະລິດຕະພັນໄມ້ໂດຍ Woodsland ເປັນຜູ້ຜະລິດ ແມ່ນມີຢູ່ໃນຕະຫຼາດຂອງ ສ ອາເມລິກາ, ການາດາ, ເອີຣົບ, ຣັດເຊຍແລະຍີ່ປຸ່ນ. ທຳອິດ, Woodsland ແມ່ນບໍລິສັດ ຮ່ວມທຶນ Woodsland, ໄດ້ເລີ່ມການຜະລິດຢ່າງເປັນທາງການ ໃນເດືອນພະຈິກ 2003. ມາຮອດປະຈຸບັນ, Woodsland ໄດ້ມີບາດກ້າວພັດທະນາຢ່າງແຂງແຮງໃນຂົງເຂດສົ່ງອອກໄມ້ ແລະ ໄດ້ກາຍເປັນວິສາຫະກິດໄມ້ອັນດັບໜຶ່ງຂອງ ຫວຽດນາມ.
ບໍລິສັດມີສາມສາຍຜະລິດຕະພັນຕົ້ນຕໍຄື: ຜະລິດຕະພັນຕົກ ແຕ່ງພາຍໃນແລະພາຍນອກສໍາລັບການສົ່ງອອກ, ປະຕູ ແລະ ເຄື່ອງເຟີນີເຈີສໍາລັບຕະຫຼາດພາຍໃນ ແລະ ໄມ້ແປ້ນ ອຸດສາຫະກໍາ. ນີ້ແມ່ນສາມຂົງເຂດສະໜັບສະໜູນເຊິ່ງກັນ ແລະ ກັນ ເພື່ອຊ່ວຍໃຫ້ບໍລິສັດນຳໃຊ້ໄມ້ຢ່າງເໝາະສົມ, ເຮັດໃຫ້ບໍລິສັດມີທ່າໄດ້ປຽບໃນການແຂ່ງຂັນເມື່ອທຽບໃສ່ຜູ້ສະໜອງອື່ນໆໃນພາກພື້ນ.
ພາບ ຂອງ ໂຮງງານ ຢູ່ ຕວຽນກວາງ ຂອງ ບໍລິສັດຫຸ້ນສ່ວນ Woodsland. ພາບ: ກົງດາດ/VNP
ພາບ ຂອງ ໂຮງງານ ຢູ່ ຕວຽນກວາງ ຂອງ ບໍລິສັດຫຸ້ນສ່ວນ Woodsland. ພາບ: ກົງດາດ/VNP
ແຕ່ລະໂຮງງານຜະລິດຂອງ Woodsland ສາມາດຕອບສະໜອງໄດ້ຕາມຄໍາສັ່ງຊື້ສິນຄ້າຂອງ IKEA ດ້ວຍຈໍານວນຫຼວງຫຼາຍ. ພາບ: ກົງດາດ/VNP
ພື້ນທີ່ສໍາລັບ ອັດໄມ້ເປັນແຜ່ນ ຢູ່ໂຮງງານ Woodsland. ພາບ: ກົງດາດ/VNP
ຂັ້ນຕອນການຜະລິດ ຢູ່ໂຮງງານ ຂອງ Woodsland ສ່ວນ ຫຼາຍ ແມ່ນຄຸ້ມຄອງແບບອັດຕະໂນມັດ ດ້ວຍລະບົບຄອມ ພິວເຕີ. ພາບ: ກົງດາດ/VNP
ກຳມະກອນ ກຳລັງຜະລິດ ແລະ ຫຸ້ມຫໍ່ຜະລິດຕະພັນ ຢູ່ ໂຮງງານ Woodsland. ພາບ: ກົງດາດ/VNP
ມາດຕະຖານໃນການຜະລິດ ຜະລິດຕະພັນຂອງ Woodsland ທັງໝົດແມ່ນຕອບສະໜອງມາດຕະຖານທີ່ເຄັ່ງຄັດຂອງ IKEA. ພາບ: ກົງດາດ/VNP
ພື້ນທີ່ອອກແບບຜະລິດຕະພັນຂອງບໍລິສັດ. ພາບ: Woodsland
ທ່ານ ຫວູ໊ວັນບັ່ງ, ປະທານສະພາບໍລິຫານບໍລິສັດ Woodslandໃຫ້ຮູ້ວ່າ: Woodsland ມີວິທີການຂອງຕົນ ນັ້ນຄື Woodslandບໍ່ຮັບຊື້ໄມ້ເລື່ອຍ, ແຕ່ເລືອກຜູ້ສະໜອງຕົ້ນກະຖິນ ແລະ ເລື່ອຍເປັນລາຍລະອຽດທີ່ Woodsland ຕ້ອງການເຊັ່ນ: ຂາໂຕະ, ທີ່ວາງແຂນ... ໃນຂະນະດຽວກັນ, ຜູ້ສະໜອງຂອງມາເລເຊຍຕ້ອງຊື້ໄມ້ແຜ່ນຢູ່ຕະຫຼາດເປີດ. ຕົ້ນກະຖິນເລື່ອຍແລ້ວເມື່ອຊື້ມາໃຊ້ ຈະຕ້ອງເສຍຄ່າຫຼາຍ. ດັ່ງນັ້ນ, Woodsland ບໍ່ເລືອກວິທີດັ່ງກ່າວ, ແຕ່ຈະຊື້ໄມ້ທີ່ໄດ້ເລື່ອຍເປັນລາຍລະອຽດ. ດ້ວຍວິທີຄືແນວນີ້ ໄດ້ນຳມາເຊິ່ງທ່າໄດ້ປຽບໃນການແຂ່ງຂັນໃຫ້ວິສາຫະກິດຫວຽດນາມ ເມື່ອທຽບກັບ ມາເລເຊຍ.
ໃນປີ 2015, ເມື່ອກຸ່ມ IKEA ໄດ້ເຄັ່ງຄັດເງື່ອນໄຂຂອງຜູ້ສະໜອງ, ໂດຍສະເພາະມາດຕະຖານການປູກປ່າ FSC. Woodslandແມ່ນໜຶ່ງໃນບັນດາຫົວໜ່ວຍນຳໜ້າໃນການບັນລຸມາດຕະຖານ FSC ຢູ່ ຫວຽດນາມ. Woodsland ໄດ້ປະສານສົມທົບກັບແຂວງ ຕວຽນກວາງເພື່ອຜັນຂະຫຍາຍບັນດາເຂດປູກປ່າ ທີ່ໄດ້ມາດຕະຖານ FSC. Woodsland ໄດ້ຮ່ວມມື, ຊ່ວຍໃຫ້ບັນລຸມາດຕະຖານການປູກປ່າ FSC ເຊັ່ນ: ການຈ່າຍຄ່າຜູ້ຊ່ຽວຊານ, ຄ່າໃຊ້ຈ່າຍທີ່ກ່ຽວຂ້ອງກັບມາດຕະຖານ FSC. ສໍາລັບສອງສາມປີທໍາອິດ ຫຼັງຈາກບັນລຸມາດ ຕະຖານ FSC, Woodsland ຈະບໍ່ເກັບຄືນ ຄ່າໃຊ້ຈ່າຍໃນການລົງທຶນ. ຫຼັງຈາກໄມ້ຖືກຂຸດຄົ້ນແລ້ວ, Woodsland ຈະຊື້ຄືນ ແລະ ຄ່ອຍໆຫັກອອກຈາກຜະລິດຕະພັນທີ່ຊື້.
ກ່ອນຈະບັນລຸໄດ້ FSC, ປະຊາຊົນໄດ້ຂາຍໄມ້ຢືນຕົ້ນໃນລາຄາ 800.000 ດົ່ງ/ມ3, ແຕ່ພາຍຫຼັງໄດ້ຮັບໃບຢັ້ງຢືນ, ລາຄາຂາຍແມ່ນ 900.000 ດົ່ງ. “ພວກເຂົາເຫັນມີຜົນປະໂຫຍດ. ສະນັ້ນ, ນອກຈາກບັນດານິຄົມປ່າໄມ້ແລ້ວ, ປະຊາຊົນກໍ່ມັກເຮັດວຽກນຳ. ນັບແຕ່ນັ້ນມາ, ກຸ່ມຄົວເຮືອນ FSC ໄດ້ຮັບການສ້າງຕັ້ງຂຶ້ນ, ຮ່ວມກັນເຮັດໃບຢັ້ງຢືນ,” ທ່ານບັ່ງ ໄດ້ໃຫ້ຮູ້ຄືແນວນັ້ນ.
ອາດເວົ້າໄດ້ວ່າ Woodsland ໄດ້ປະກອບສ່ວນສ້າງຕັ້ງຂະບວນການປູກຕົ້ນໄມ້ໄດ້ມາດຕະຖານ FSC ໃຫ້ປະຊາຊົນແຂວງ ຕວຽນກວາງ, ໃນນັ້ນມີແຂວງ ບັກກ້ານ, ຖາຍງວຽນ ແລະ ອື່ນໆ.
ໃນປີ 2021, ເຊິ່ງເປັນປີທີ່ໄດ້ຮັບຜົນກະທົບຈາກການ ແຜ່ລະບາດຂອງໂຄວິດ-19 ຢ່າງໜັກໜ່ວງ, Woodsland ຍັງມຸ່ງໝັ້ນທີ່ຈະຊື້ໄມ້ມາດຕະຖານ FSC 70%ນໍາປະຊາຊົນ ແລະ ໃຫ້ຄໍາໝັ້ນສັນຍາ, ໃນປີ 2022, ເມື່ອສະຖານະການເສດຖະກິດດີຂຶ້ນຈະບໍລິໂພກຊັບພະຍາກອນໄມ້ FSC ທັງໝົດ ໃຫ້ແກ່ປະຊາຊົນ.
ມູມໜຶ່ງວາງສະແດງຜະລິດຕະພັນຂອງ Woodsland ຢູ່ໃນຫ້ອງການ. ພາບ: ກົງດາດ/VNP
ດ້ວຍທ່າໄດ້ປຽບດ້ານທຶນຮອນ, ຊັບພະຍາກອນມະນຸດ ແລະ ວັດຖຸດິບ ທີ່ອຸດົມສົມບູນແລະ ພິເສດແມ່ນພາຍຫຼັງການຄົ້ນຄວ້າ ແລະ ອອກແບບເປັນເວລາຍາວນານ, Woodslandໄດ້ເປີດຕົວຍີ່ຫໍ້ Eureka - Home Furniture, ສັນຍາວ່າຈະນຳໜ້າບັນດາຍີ່ຫໍ້ຜະລິດຕະພັນເຄື່ອງເຟີນີເຈີຢູ່ ຫວຽດນາມ. ຜະລິດຕະພັນຂອງ Eureka ບໍ່ພຽງແຕ່ໄດ້ມາດຕະຖານ ເອີຣົບ ຕັ້ງແຕ່ການອອກແບບຈົນເຖິງສາຍການຜະລິດເທົ່ານັ້ນ, ແຕ່ຍັງມີຄວາມແທດຈິງ ແລະ ເໝາະສົມກັບວັດທະນະທໍາ ແລະ ວິຖີຊີວິດຂອງຊາວຫວຽດນາມ ອີກດ້ວຍ.
ບົດ: ຖາວວີ - ພາບ: ກົງດາດ ແລະ ເອກະສານຂອງ Woodsland ສະໜອງໃຫ້ - ແປໂດຍ: ຢືຟຽນ