• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ເພື່ອນມິດ ກັບ ຫວຽດນາມ

Thierry Vergon ພ້ອມກັບສະຖາບັນ ຝຣັ່ງ ຮ່າໂນ້ຍ ໄດ້ເຜີຍແຜ່ວັດທະນະທຳທີ່ມີຫົວຄິດປະດິດສ້າງໃຫ້ປະຊາຊົນ

ທ່ານ Thierry Vergon - ທູດ​ວັດທະນະທຳ - ສະຖານທູດ​ຝຣັ່ງ, ຜູ້ອຳນວຍການ​ສະ​ຖາ​ບັນ​ ຝຣັ່ງ ຢູ່ ຮ່າ​ໂນ້ຍ ​ແມ່ນ​ຜູ້​ທີ່​ດຳລົງ​ຊີວິດ ​ແລະ ​ເຮັດ​ວຽກ​ຢູ່ ຫວຽດນາມ ​ເປັນ​ເວລາ​ຫຼາຍ​ປີ. ໃນ​ຖາ​ນະ​ເປັນ​ບຸກ​ຄົນ​ທີ່​ຂະ​ຫຍັນ​ຂັນ​ເຄື່ອນ ແລະ ກະ​ຕື​ລື​ລົ້ນ, ທ່ານ Thierry Vergon ໄດ້​ເປັນ​ຂົວ​ຕໍ່​ຢືນ​ຢັນ​ການ​ພົວ​ພັນ​ທີ່​ດີ​ລະ​ຫວ່າງ ຝ​ຣັ່ງ ແລະ ຫວຽດນາມ. ທ່ານ Thierry Vergon ຍາມ​ໃດ​ກໍ່​ອຸທິດ​ສ່ວນ​ເພື່ອ​ພັດທະນາ​ຫຼາຍ​ໂຄງການ​ວັດທະນະທຳ ​ແລະ ບັນດາ​ສະຖານ​ທີ່​ປະດິດ​ສ້າງ ​ເພື່ອ​ນຳ​ເອົາ​ວັດທະນະທຳ ​ແລະ ສິລະ​ປະ​ສ້າງສັນ​ເຂົ້າ​ໃກ້​ປະຊາຊົນ​ຫວຽດນາມ.

ຢູ່ ຫວຽດນາມ, ສາທາລະນະຊົນບໍ່ແປກໜ້າກັບສະຖາບັນ ຝຣັ່ງ ຢູ່ ຮ່າໂນ້ຍ (L'Espace ປະຈຸບັນແມ່ນ I'Institut Français de Hanoi). ນີ້​ແມ່ນ​ສະຖານທີ່ວັດທະນະທຳ ​ແລະ ສິລະ​ປະ​ທີ່​ມີ​ຫຼາຍກິດຈະກຳ​ຄື: ສອນ​ພາສາ​ ຝຣັ່ງສະ​ແດງ​ຮູບ​ເງົາ, ວາງສະ​ແດງ​ສິລະ​ປະກຳ, ງານສຳ​ມະ​ນາ​ກ່ຽວ​ກັບ​ປຶ້ມ, ອາຊີບ, ​ໂອ້​ລົມ​ກັບ​ນັກ​ສິລະ​ປະ​ຮູບ​ເງົາ ແລະ ດົນຕີ​ທີ່​ມີ​ຊື່​ສຽງທ່ານ Thierry Vergon ​ເປັນ​ຜູ້ອຳນວຍການ​ສະ​ຖາ​ບັນ​ ຝຣັ່ງ ຢູ່ ຮ່າໂນ້ຍ (IF Hanoi). ທຸກ​ຄົນ​ຮັກ​ເພິ່ນ ຍ້ອນ​ຄວາມ​ເບີກບານ​ມ່ວນ​ຊື່ນ, ມີມາລະຍາດ​ ແລະ ​ເຕັມ​ໄປ​ດ້ວຍ​ພະລັງ​ຊີວິດ. ຍາມ​ໃດ​ເພິ່ນກໍ່​ເປີດ​ເຜີຍ ​ແລະ ຕ້ອນຮັບ​ບັນດາ​ສະມາຊິກ​ຊາວ ຫວຽດນາມ ທີ່​ຮັກ​ແພງ​ວັດທະນະທຳ​ ຝຣັ່ງ ​ແລະ ມີ​ຈິດ​ໃຈ​ຮ່ຳຮຽນ​ເຮັດ​ວຽກຢູ່ IF Hanoi. ເພິ່ນແບ່ງປັນ​ວ່າ: ​ສະ​ຖາ​ບັນ​ ຝຣັ່ງ ​ແມ່ນ​ບ້ານ​ທີ່​ມີ​ຄວາມ​ຜາ​ສຸກ, ​ແມ່ນ​ບ່ອນ​ຫຼິ້ນ​ສຳລັບຊາວ​ໜຸ່ມ ຫວຽດນາມ ​ແລະ ສາກົນ. ທີ່ນີ້ມີຫຼາຍຫ້ອງຮຽນພາສາ ຝຣັ່ງ, ການສະແດງການລວບລວມຮູບເງົາ ຝຣັ່ງ, ການແນະນໍາປື້ມ, ຫໍສະໝຸດຂອງ ສະຖາບັນ ຝຣັ່ງ ແມ່ນເຕັມໄປດ້ວຍໜັງສື ແລະ workshop ທີ່ໜ້າສົນໃຈ. ປະຈຸ​ບັນ, ສະ​ຖາ​ບັນ​ ຝຣັ່ງ ປະຈຳ ຫວຽດນາມ ​ໄດ້​ມຸ່ງ​ໄປ​ເຖິງ​ບັນດາ​ຜູ້​ຊົມ​ທີ່​ຮັກ​ແພງ​ວັດທະນະທຳ ​ແລະ ມຸ່ງ​ໄປ​ເຖິງ​ຈິດ​ໃຈ​ໜຸ່ມ, ​ໃກ້ຊິດ​ສະໜິດສະໜົມກັບປະຊາຄົມ. ບັນດາ​ໂຄງການອະນຸລັກ​ຮັກສາ​ມໍລະດົກ​ວັດທະນະ​ທຳ​ໄດ້​ສົມທົບ​ກັບ​ການ​ປົກ​ປັກ​ຮັກສາ ​ແລະ ປ່ຽນ​ໃໝ່, ​ເພື່ອ​ແນ​ໃສ່​ຊຸກຍູ້​ໃຫ້ ຫວຽດນາມ ກາຍ​ເປັນ​ຄູ່​ຮ່ວມ​ມື​ສຳຄັນ​ໃນ​ແຜນ​ທີ່​ໂລກ.

ທ່ານ Thierry Vergon, ຜູ້ອຳນວຍການ​ສະ​ຖາ​ບັນ​ ຝຣັ່ງ ຢູ່ ຮ່າ​ໂນ້ຍ ກັບບັນດາ​ໂຄງການ​ປະດິດ​ສ້າງ​ເຜີຍ​ແຜ່​ມໍລະດົກ​ວັດທະນະທຳ ຫວຽດນາມ.
ທ່ານ Thierry Vergon ມຸ່ງ​ໄປ​ເຖິງ​ການ​ພັດ​ທະ​ນາ​ຫຼາຍ​ໂຄງ​ການ​ວັດ​ທະ​ນະ​ທໍາ​ ແລະ​ ສະ​ຖານ​ທີ່​ສ້າງ​ສັນ​ເພື່ອ​ນໍາ​ເອົາ​ວັດ​ທະ​ນະ​ທໍາ​, ສິ​ລະ​ປະ​ປະ​ດິດ​ສ້າງ​ໃກ້​ຊິດ​ກັບ​ປະ​ຊາ​ຊົນ​ ຫວຽດ​ນາມ.
ໃນ​ຖາ​ນະ​ເປັນ​ຜູ້​ຊາຍ​ທີ່​ມ່ວນ​ຊື່ນ, ທ່ານ Thierry Vergon ມີ​ການ​ສົນ​ທະ​ນາ​ທີ່​ດີ​ກັບ​ພະ​ນັກ​ງານ​ຢູ່​ສະ​ຖາ​ບັນ​ ຝຣັ່ງ.
ບັນດາ​ນັກ​ສຶກສາ​ຢູ່​ສະ​ຖາ​ບັນ​ ຝຣັ່ງ ​ໄດ້​ຮັບ​ຟັງ​ການ​ແບ່ງປັນ​ຂອງ​ທ່ານ Thierry Vergon ກ່ຽວ​ກັບ​ບັນຫາ​ວັດທະນະທຳ.
ຫໍສະໝຸດຢູ່ສະຖາບັນ ຝຣັ່ງ ແມ່ນບ່ອນທີ່ທ່ານ Thierry Vergon ມັກຈະມາພົບປະ ແລະ ໂອ້ລົມກ່ຽວກັບເລື່ອງລາວ ວັດທະນະທຳກັບໄວໜຸ່ມ.
ທ່ານ Thierry Vergon ໄດ້​ເຂົ້າ​ຮ່ວມ​ກອງ​ປະ​ຊຸມ​ສາ​ກົນ ອຸດ​ສາ​ຫະ​ກຳ​ປະ​ດິດ​ສ້າງ: ອະ​ດີດ, ປະ​ຈຸ​ບັນ ແລະ ອະ​ນາ​ຄົດ”.

ທ່ານ Thierry Vergon ບໍ່ພຽງແຕ່ເປັນນັກຍຸດທະສາດ ຄຸ້ມຄອງບັນດາການເຄື່ອນໄຫວວັດທະນະທໍາຢູ່ສະຖາບັນ ຝຣັ່ງ ຮ່າໂນ້ຍ ເທົ່ານັ້ນ, ຫາກຍັງເຂົ້າຮ່ວມບັນດາເຫດການ ວັດທະນະທໍາໃຫຍ່ຂອງ ຫວຽດນາມ ອີກດ້ວຍ, ທ່ານ Thierry Vergon ເດີນທາງໄປແຂວງສ່ວນຫຼາຍຂອງ ຫວຽດນາມ ເພື່ອຮ່ວມມືກັບບັນດາທ້ອງຖິ່ນໃນບັນດາໂຄງການ ວັດທະນະທໍາ, ສົ່ງເສີມມໍລະດົກ ຫວຽດນາມ. ​ເພິ່ນໄດ້​ພົບ​ປະ​ກັບ​ບັນດາ​ນັກ​ສິລະ​ປິນ​ຮູບ​ເງົາ ​ຫວຽດນາມ ທີ່​ມີ​ພອນ​ສະຫວັນ, ​ເປັນ​ຜູ້​ກ່າວ​ປາ​ໄສ​ຢູ່​ກອງ​ປະຊຸມ​ສຳ​ມະ​ນາ​ພັດທະນາ​ອຸດສາຫະກຳ​ສ້າງສັນ, ​ໂອ້​ລົມ​ກັບ​ໄວ​ໜຸ່ມ​ຢູ່​ຫໍສະໝຸດ ຫຼື ຫ້ອງ​ຮຽນ​ພາສາ​ ຝຣັ່ງ... ​ໃນ​ທຸກ​ຂົງ​ເຂດ​ທີ່​ປະຊາຊົນ​ສາມາດ​ເຫັນ​ໄດ້​ໃນ​ຄວາມ​ກະຕືລືລົ້ນ ​ແລະ ພະລັງ​ແຮງ.

ທ່ານ Thierry Vergon ​ໃຫ້​ຮູ້​ວ່າ: ຫວຽດນາມ ມີ​ທ່າ​ໄດ້​ປຽບ​ຫຼາຍ​ຢ່າງ​ເພື່ອ​ພັດທະນາ​ຂະ​ແໜງ​ວັດທະນະທຳ​ທີ່​ມີ​ຫົວຄິດ​ປະດິດ​ສ້າງ​ຄື: ຄວາມ​ຫຼາກ​ຫຼາຍ, ປະຫວັດສາດ​ອັນ​ຍາວ​ນານ​ຂອງ​ບັນດາ​ມໍລະດົກ​ສະຖາປັດຕະຍະ​ກຳ, ຜູ້ຄົນມີ​ຫົວຄິດ​ປະດິດ​ສ້າງ ​ແຕ່​ມີຄວາມຈິງໃຈ... ​ສະ​ຖາ​ບັນ ຝຣັ່ງ ​ໄດ້​ປັບປຸງ ​ແລະ ຜັນ​ຂະຫຍາຍ​ບັນດາ​ໂຄງການ​ມໍລະດົກ ​ເພື່ອ​ແນ​ໃສ່​ເສີມ​ຂະຫຍາຍ​ຂົວ​ເຊື່ອມຕໍ່ ລະຫວ່າງ ວັດທະນະທຳ ຫວຽດນາມ - ຝຣັ່ງ. ໃນ​ຊຸມ​ປີ​ມໍ່ໆ​ມາ​ນີ້, ​ສະ​ຖາ​ບັນ ​ຝຣັ່ງ ​ໄດ້​ຈັດ​ຕັ້ງ​ລາຍການ​ສະ​ແດງ​ສິລະ​ປະ ເພື່ອ​ຂອບ​ອົກ​ຂອບ​ໃຈ​ບັນດາ​ນັກ​ສິລະ​ປິນທີ່​ໄດ້​ອຸທິດ​ຕົນ​ເພື່ອ​ສິລະ​ປະ, ຜ່ານ​ນັ້ນ​ໂຄສະນາ​ພາບ​ພົດ​ນະຄອນ ຮ່າ​ໂນ້ຍ ​ໃຫ້​ແຂກ​ທ່ອງ​ທ່ຽວ​ສາກົນ​ໄດ້​ສຳ​ຜັດ​ກັບ ​ຮ່າ​ໂນ້ຍ ຜ່ານ​ບັນດາ​ເລື່ອງ​ລາວ ​ແລະ ຮູບພາບຊີວິດການເປັນຢູ່ປະຈຳວັນ. ປີ 2023, ສະ​ຖາ​ບັນ​ ຝຣັ່ງ ຈະ​ຈັດ​ຕັ້ງ​ງານ​ວາງ​ສະ​ແດງ​ຮູບ​ພາບ ​ຮ່າ​ໂນ້ຍ ເພື່ອ​ແນະ​ນຳ​ບັນ​ດາ​ຮູບ​ພາບ ແລະ ຄວາມ​ຮູ້​ສຶກ​ຂອງ​ນັກ​ສິ​ລະ​ປິນ​ກ່ຽວ​ກັບ​ນະ​ຄອນ​ຫຼວງ ​ຮ່າ​ໂນ້ຍ​ ທີ່​ສະ​ຫງົບ​ສຸກ ແລະ ຮັກແຂກແພງຄົນ. ພ້ອມ​ກັນ​ນັ້ນ, ຍັງ​ມີ​ອີກ​ຫຼາຍ​ລາຍການ​ກ່ຽວ​ກັບ​ຮູບ​ເງົາ, ດົນຕີ​ທີ່​ສະ​ຖາ​ບັນ​ ຝຣັ່ງ ດຳ​ເນີນ​ເປັນ​ຊຸດ​ເພື່ອ​ແນ​ໃສ່​ສ້າງ​ຫວ່າງເວຫາສິລະ​ປະ​ທີ່​ມີ​ຫົວຄິດ​ປະດິດ​ສ້າງ, ຈຸດນັດພົບຂອງ​ຊາວ​ໜຸ່ມ​ທີ່​ຮັກ​ແພງ​ວັດທະນະທຳ ຫວຽດນາມ ​ໄດ້ເຂົ້າ​ຮ່ວມ.

 

ນັກ​ດົນ​ຕີ ດັ້ງ​ຖາຍເຊີນ ​ໂອ້ລົມກັບທ່ານ Thierry Vergon ຢູ່​ລາຍການ​ວັດ​ທະ​ນະ​ທຳ​ໜຶ່ງທີ່​ຈັດ​ຂຶ້ນ​ຢູ່​ສະ​ຖາ​ບັນ.
ຕາມ​ທ່ານ Thierry Vergon ແລ້ວ, ວັດທະນະທຳ​ແມ່ນ​ໜຶ່ງ​ໃນ​ບັນດາ​ຂົງ​ເຂດ​ຈຸດ​ສຸມ, ກວມຈຸດສຳຄັນ​ພິ​ເສດໃຫ້​ແກ່​ການ​ຮ່ວມ​ມື​ ຫວຽດ​ນາມ - ຝ​ລັ່ງ ໃນ​ອະດີດ, ປະ​ຈຸ​ບັນ ແລະ ອະ​ນາ​ຄົດ.
ທ່ານ Thierry Vergon - ທູດ​ວັດທະນະທຳ​ຂອງ​ສະຖານທູດ​ຝຣັ່ງ, ຜູ້ອຳນວຍການສະຖາບັນ ຝຣັ່ງ ຢູ່ ຮ່າໂນ້ຍ ​ໄດ້​ຕັ້ງ​ໃຈ​ພັດທະນາ​ຫຼາຍ​ໂຄງການ​ວັດທະນະທຳ ​ແລະ ຫວ່າງເວຫາ ສ້າງສັນ ​ເພື່ອ​ນຳ​ເອົາ​ວັດທະນະທຳ ​ແລະ ສິລະ​ປະ​ສ້າງສັນ​ ເຂົ້າ​ໃກ້​ປະຊາຊົນ​ກວ່າ​ອີກ.
ທ່ານ Thierry Vergon ​ໄດ້​ເຂົ້າ​ຮ່ວມ​ງານ​ວາງສະ​ແດງ​ສິລະ​ປະ​ຂອງ​ຈິດຕະກອນ ເລທຽດເກືອງ ທີ່​ຈັດ​ຂຶ້ນ​ຢູ່​ສະ​ຖາ​ບັນ​ ຝຣັ່ງ.

ຮ່າໂນ້ຍ ແມ່ນສະຖານທີ່ທີ່ ທ່ານ Thierry Vergon ເຄີຍເຮັດ ວຽກ ແລະ ດຳລົງຊີວິດມາເປັນເວລາຫຼາຍປີ, ເພິ່ນຮູ້ຈັກກັບ ທຸກຖະໜົນຫົນທາງຂອງ ຮ່າໂນ້ຍ ແລະ ຍາມໃດກໍ່ມີຄວາມ ຮັກແພງພິເສດຕໍ່ ຮ່າໂນ້ຍ. ບັນດາ​ເຫດການ​ວັດທະນະທຳ​ທີ່ ເພິ່ນ ​ແລະ ສະ​ຖາ​ບັນ​ ຝຣັ່ງ ຈັດ​ຕັ້ງ​ສະ​ເໝີ​ຕົ້ນ​ສະ​ເໝີ​ປາຍ​ໃຫ້​ຮ່າ​ໂນ້ຍ. ທ່ານ Thierry Vergon ​ເນັ້ນ​ໜັກ​ວ່າ: ນະຄອນ​ທີ່​ມີ​ຫົວຄິດ​ປະດິດ​ສ້າງ ຕ້ອງ​ບຳລຸງ​ສ້າງ​ບັນດາ​ປະຊາ​ຄົມ​ນັກ​ສິລະ​ປິນ​ທີ່​ມີ​ຫົວຄິດ​ປະດິດ​ສ້າງ, ໜູນ​ຊ່ວຍ​ບັນດາ​ອຸດສາຫະກຳ​ວັດທະນະທຳ, ສ້າງ​ເຄືອ​ຂ່າຍ​ບັນດາ​ສະຖານ​ທີ່ ​ແລະ ບັນດາ​ອົງການ​ເພື່ອ​ຊ່ວຍ​ໃຫ້​ເຂົາ​ເຈົ້າ​ເຕີບ​ໂຕ. ສະ​ຖາ​ບັນ ຝຣັ່ງ ຮ່າ​ໂນ້ຍ ພ້ອມ​ແລ້ວ​ທີ່​ຈະ​ສົມທົບ​ກັບ ​ຮ່າ​ໂນ້ຍ ​ເຮັດ​ໃຫ້​ວັດທະນະທຳ ​ແລະ ​ຫົວຄິດ​ປະດິດ​ສ້າງ​ກາຍເປັນ​ໜຶ່ງ​ໃນ​ບັນດາ​ບຸລິມະສິດ​ອັນ​ດັບ​ໜຶ່ງ​ໃນ​ຍຸດ​ທະ​ສາດ​ພັດທະນາ​ ຫວຽດນາມ - ຝຣັ່ງ.

ບົດ: VNP/ບິກເວີນ - ພາບ: ແທງຢາງ - ແປໂດຍ: ຢືຟຽນ

ຊີວິດ ຂອງ ນັກແຕ້ມ Pauline Guitton

“ຊີວິດ” ຂອງ ນັກແຕ້ມ Pauline Guitton

ປຶ້ມ “ຊີວິດ” ດ້ວຍບົດສົນທະນາທີ່ລຽບງ່າຍ, ອ່ອນໂຍນ ຂອງ ຫາຍແອັງ-ຊາວ ຝຣັ່ງ ຄົນໜຶ່ງທີ່ມີິເຊື້ອສາຍ ຫວຽດນາມ ແລະ ການປະກອບສ່ວນ ຂອງ ນັກແຕ້ມ Pauline Guitton (ຝຣັ່ງ) ໄດ້ນຳມາເຊິ່ງ ບົດວັນນະຄະດີໜຶ່ງ ທີ່ມີຊີວິດຊີວາ ເຕັມໄປດ້ວຍ ຄວາມຮັກແພງບ້ານເກີດ ຫວຽດນາມ. ທ່ານນາງ ຫາຍແອັງ ແລະ ນັກແຕ້ມ Pauline Guitton ໄດ້ຝັງໃຈຜູ້ອ່ານ ໃນຈຸດເວລາອັນປະເສີດ ແຫ່ງຄວາມເຫັນອົກເຫັນໃຈ ກ່ຽວກັບຊີວິດ ທີ່ໜ້າຈົດຈຳ ໃນສອງວັດທະນະທຳ ຫວຽດນາມ ແລະ ຝຣັ່ງ.

Top