ນະຄອນຫຼວງເກົ່າ ເຫ້ວແມ່ນສູນກາງ ທາງພຸດທະສາສະໜາ ທີ່ສຳ ຄັນ ຂອງ ປະເທດ. ພາຍຫຼັງໄດ້ຮັບຜົນກະທົບຈາກການແຜ່ລະບາດໂຄວິດ-19 ເປັນເວລາກວ່າ 2 ປີ, ວັນບຸນວິສາຂະບູຊາ ປີ ພສ 2566 ນີ້ ຢູ່ ເຫ້ວ ໄດ້ຮັບການ ຈັດຂຶ້ນ ຢ່າງສົມກຽດ, ເຄັ່ງຂຶມ, ສ້າງບັນຍາ ກາດ ເບີກບານມ່ວນຊື່ນໃນທົ່ວນະຄອນ. ນີ້ກໍ່ແມ່ນກິດຈະກຳ ຕອບສະໜອງ ງານບຸນລະດູຮ້ອນ ເພື່ອແນໃສ່ເຮັດໃຫ້ບັນດາລາຍການ ໃນງານບຸນ ທີ່ດຳເນີນໄປໃນ 4 ລະດູຂອງປີ ໄດ້ມີຄວາມອຸດົມສົມ ບຸນ ຍິ່ງຂຶ້ນ, ທັງເສີມຂະຫຍາຍບັນດາຄຸນຄ່າ ທາງວັດທະນະທຳ ທີ່ ມີຄຸນລັກສະນະຈຳເພາະ, ທັງສ້າງຂຶ້ນ ຜະລິະຕະພັນ ທ່ອງທ່ຽວ ທີ່ ເປັນເອກະລັກ, ມຸ່ງໄປເຖິງສັບປະດາ ງານມະໂຫລານ ເຫວ້ 2022 “ມໍລະດົກວັດທະນະທຳ ກັບການເຊື່ອມໂຍງ ແລະ ພັດທະນາ" ທີ່ຈະຈັດຂຶ້ນໃນທ້າຍເດືອນມິຖຸນາ ທີ່ຈະມາເຖິງ.
| ແຕ່ໃດມາແລ້ວ, ເມື່ອເຖິງ ມື້ເພັງ ເດືອນ ສີ່, ວັນບຸນວິສາຂະບູຊາ ບໍ່ພຽງແຕ່ ແມ່ນກິດຈະກຳທາງດ້ານສາສະໜາ ແລະ ຄວາມເຊື່ອຖືຂອງ ຊາວພຸດເທົ່ານັ້ນ, ແຕ່ຍັງໄດ້ມີການພັດທະນາ ສ້າງປອງດອງ ກັບຊີວິດ, ເປັນເຫດການວັດທະນະທຳ, ເຮັດໃຫ້ ຊີວິດ ວັດທະນະ ທຳ ແລະ ຄວາມເຊື່ອຖື ຂອງ ຊາວເມືອງຫຼວງເກົ່າ ອຸດົມສົມບູນ ແລະ ໂດດເດັ່ນຂຶ້ນຕື່ມ. ເສດຖະກິດ, ວັດທະນະທຳ-ສັງຄົມຂອງເມືອງ ເຫ້ວ ໃນທຸກວັນນີ້ ໄດ້ມີການພັດທະນາຢ່າງໝັ້ນຄົງ, ການດຳ ລົງຊີວິດ ດ້ານຄວາມເຊື່ອຖື ສາສະໜາ ໄດ້ຮັບຄວາມເອົາໃຈໃສ່ ຈາກລັດຖະບານ, ສ້າງເງື່ອນໄຂພັດທະນາຢ່າງແຂງແຮງ, ເພາະສະ ນັ້ນ ພະສົງສຳມະເນນ ແລະ ພຸດທະສາສະນິກະຊົນ ແລະ ປະຊາ ຊົນ ເປັນຈຳນວນຫຼວງຫຼາຍ ລ້ວນແຕ່ມີຄວາມເຊື່ອໝັ້ນ ແລະ ດີໃຈ, ຈາກນັ້ນພ້ອມແລ້ວທີ່ຈະ ພ້ອມກັບລັດຖະບານ ຮ່ວມມື ກໍ່ສ້າງ ບ້ານເກີດເມືອງນອນ ໃຫ້ນັບມື້ນັບ ສວຍງາມຍ່ິງຂຶ້ນ. ສິ່ງດັ່ງກ່າວໄດ້ສະແດງໃຫ້ເຫັນຢ່າງຈະແຈ້ງວ່າ ຊາວ ເມືອງເຫ້ວ ແລະ ຊາວພຸດ ສະ ຫຼອງ ຕ້ອນຮັບ ວັນບຸນວິສາຂະບູຊາ ປີນີ້ ດ້ວຍການເຄື່ອນໄຫວຫຼາຍ ຢ່າງທີ່ໜ້າດຶງດູດໃຈ ແລະ ມີຄວາມໝາຍ. ບັນຍາກາດເບີກບານມ່ວນຊື່ນນັ້ນ ບໍ່ພຽງແຕ່ໄດ້ຈັດຂຶ້ນຢູ່ຕາມວັດວາອາຮາມ, ສະຖາບັນ ສົງ, ຫໍບູຊາ ນັບຫຼາຍຮ້ອຍແຫ່ງເທົ່ານັ້ນ, ແຕ່ຍັງໄດ້ແຜ່ລາມໄປທົ່ວຖະໜົນ, ຮ່ອມບ້ານ ທຸກສາຍ ແລະ ແຕ່ລະຫຼັງເຮືອນ ໃນນະຄອນ ຫຼວງບູຮານ. |
ປະຕິບັດ: ແທງຮ່ວາ - ແປໂດຍ: ບິກລຽນ
