ໃນສະພາບບັນດາປະເທດພວມຍູ້ແຮງການສ້າງກຳລັງຄວາມສາມາດດ້າເຄິ່ງຊັກນຳໄຟຟ້າ ເພື່ອຕອບສະໜອງຄວາມຕ້ອງການທີ່ນັບມື້ນັບສູງຈາກປັນຍາປະດິດ (AI), ຫວຽດນາມ ຕ້ອງເລືອກເອົາບັນດາຂອດທີ່ມີຄວາມສາມາດສ້າງທ່າແຮງໃນລະບົບມູນຄ່ານີ້, ກ່ອນອືນໝົດແມ່ນສຸມໃສ່ການຜະລິດ ແລະ ຫຸ້ມຫໍ່ຊິບ. ນີ້ແມ່ນຂໍ້ສັງເກດຂອງທ່ານ Tsuda Kenji, ຫົວໜ້າບັນນາທິການ News & Chips, ພ້ອມທັງເປັນນັກຂ່າວເຕັກໂນໂລຊີ ໄດ້ຕິດຕາມຂະແໜງເຄິ່ງຊັກນຳໄຟຟ້າ ຍີ່ປຸ່ນ ແລະ ໂລກເປັນເວລາຫຼາຍປີ.
ທ່ານ Tsuda Kenji ຖືວ່າ ດ້ວຍເງື່ອນໄຂໃນປະຈຸບັນ, ຫວຽດນາມ ຕ້ອງສຸມໃສ່ເຂົ້າໃນບັນດາຂົງເຂດມີທ່າແຮງພັດທະນາກ່ອນ, ພິເສດແມ່ນການຜະລິດ ແລະ ຫຸ້ມຫໍ່ຊິບ; ທ່ານໃຫ້ຄຳສະເໜີແນະວ່າ ຫວຽດນາມ ຕ້ອງສ້າງທິດທາງການພັດທະນາຕາມແຕ່ລະຂັ້ນຕອນ, ຖືເອົາການຜະລິດ ແລະ ຫຸ້ມຫໍ່ເປັນຈຸດສຸມ, ພ້ອມກັນນັ້ນ ພັດທະນາໄປພ້ອມກັບກຳລັງຄວາມສາມາດອອກແບບ, ທົດລອງ, ວັດຖຸອຸປະກອນ ແລະ ເຄື່ອງເຄິ່ງຊັກນຳໄຟຟ້າ.
