ຢູ່ໃຈກາງຄຸ້ມເມືອງເກົ່າ 36 ສາຍ ຂອງ ຮ່າໂນ້ຍ, ໃນຊ່ວງເທສະ ການ ບຸນໄຫວ້ພະຈັນ, ຄຸ້ມຖະໜົນ ຮ່າງໝ໊າ ໄດ້ກາຍເປັນຈຸດສົນ ໃຈ ດຶງດູດ ທຸກສາຍຕາ ຂອງ ປະຊາຊົນ ແລະ ນັກທ່ອງທ່ຽວ, ທັງ ແມ່ນບ່ອນປຸກຄວາມຊົງຈຳ ຕອນສະໄໝເຍົາໄວ ໃນຈິດໃຈ ຂອງ ຊາວ ຮ່າໂນ້ຍ ແຕ່ລະຄົນ. ຍ່າງເຂົ້າສູ່ຖະໜົນ ຮ່າງໝ໊າ ໃນຊຸມວັນ ໃກ້ຈະຮອດ ມື້ເພັງ 15 ຄໍ່າ ເດືອນແປດ, ສິ່ງທຳອິດ ທີ່ສ້າງຄວາມ ປະທັບໃຈຜູ້ຄົນແມ່ນ ແສງສະຫວ່າງ ແລະ ສີສັນ ຢູ່ເທິງ ຄຸ້ມຖະ ໜົນສາຍນີ້. ຢູ່ຕາມສອງຟາກທາງແມ່ນ ຮ້ານຄ້າ ຫຼາຍຮ້ອຍຮ້ານ ທີ່ວາງຂາຍເຄື່ອງຫຼິ້ນພື້ນເມືອງ ແລະ ທັນສະໄໝ ທຸກຊະນິດສີສົດ ໃສ ຂອງ ໂຄມໄຟ ຫຼາກຫຼາຍຮູບແບບ, ສີເຫຼືອງເຫຼື້ອມ ຂອງ ໂຄມ ໄຟ ຮູບດາວ 5 ແຈ, ປະກາຍລະຍິບລະຍັບ ຈາກບັນດາໜ້າກາກ ທີ່ເຮັດດ້ວຍເຈ້ຍແຂງ ຕະຫຼອດຮອດ ບັນດາເຄື່ອງຫຼິ້ນ ປະດິດສ້າງ ໃນຍຸກເຕັກໂນໂລຊີ. ພາຍໃຕ້ແສງໄຟ ແລະ ແສງສະທ້ອນ ຈາກ ບັນດາເຄື່ອງຫຼິ້ນ, ທົ່ວຄຸ້ມຖະໜົນ ຄື ກັນກັບ ຫໍພິພິທະພັນ ວັດທະ ນະທຳ ພື້ນເມືອງ ຂະໜາດນ້ອຍ ຢູ່ ທ່າມກາງ ຕົວເມືອງ ທັນສະ ໄໝ.