ຂ່າວສານ

7 ເດືອນຂອງປີ 2017, ຫວຽດນາມ ດຶງດູດເກືອບ 22 ຕື້ USD FDI

28/07/2017

ຕາມກົມລົງທຶນຕ່າງປະເທດ, ກະຊວງແຜນການ ແລະ ການລົງທຶນ ຫວຽດນາມ, ໄລ່ລວມ 7 ເດືອນຜ່ານມາ, ຈຳນວນເງິນລົງທຶນໂດຍກົງຈາກຕ່າງປະເທດທີ່ຈົດທະບຽນໃໝ່, ເພີ່ມຂຶ້ນ ແລະ ປະກອບທຶນ, ຊື້ຫຸ້ນສ່ວນບັນລຸເກືອບ 22 ຕື້ USD, ເພີ່ມຂຶ້ນ 52% ເມື່ອທຽບໃສ່ໄລຍະດຽວກັນຂອງປີກ່ອນ

(ພາບປະກອບ)

ທຶນປ່ອຍເງິນຄາດວ່າບັນລຸກ່ວາ 9 ຕື້ USD, ເພີ່ມຂຶ້ນເກືອບ 6% ເມື່ອທຽບໃສ່ໄລຍະດຽວກັນຂອງປີກ່ອນ. ປະຈຸບັນ ບັນດານັກລົງທຶນຕ່າງປະເທດ ໄດ້ລົງທຶນເຂົ້າ 18 ຂົງເຂດ, ໃນນັ້ນ ອຸດສາຫະກຳການປຸງແຕ່ງ, ປະດິດສ້າງແມ່ນຂົງເຂດດຶງດູດໄດ້ເກືອບ 11 ຕື້ USD, ກວມກ່ວາ 49% ຍອດຈຳນວນເງິນລົງທຶນຈົດທະບຽນ. ໃນ 7 ເດືອນຜ່ານມາ, ສ.ເກົາຫຼີ ແມ່ນປະເທດນຳໜ້າໃນ 98 ປະເທດ ແລະ ເຂດແຄ້ວນທີ່ມີໂຄງການລົງທຶນຢູ່ ຫວຽດນາມ ດ້ວຍຈຳນວນທຶນກ່ວາ 5,6 ຕື້ USD, ກວມເກືອບ 26% ຍອດຈຳນວນເງິນລົງທຶນ. ຖັດຈາກ ສ.ເກົາຫຼີ ແມ່ນ ຍີ່ປຸ່ນ, ສິງກະໂປ.

ຕາມຄວາມຮັບຮູ້ຂອງນັກຊ່ຽວຊານເສດຖະກິດແລ້ວ, ຫວຽດນາມ ຍັງແມ່ນສະຖານທີ່ດຶງດູດຂອງນັກລົງທຶນຕ່າງປະເທດ. ຄາດຄະເນວ່າ ການດຶງດູດເງິນລົງທຶນໂດຍກົງຈາກຕ່າງປະເທດປີນີ້ຂອງ ຫວຽດນາມ ສາມາດບັນລຸ 30 ຕື້ USD ແລະ ເງິນລົງທຶນໂດຍກົງຈາກຕ່າງປະເທດຈະບັນລຸປະມານ 18 ຕື້ USD.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.