ແມ່ຍິງຕ້ອນຮັບແຂກຢູ່ໂຮງແຮມຖືກຕິດເຊື້ອພະຍາດໄວຣັດ nCoV ໄດ້ວີໄຈເປັນ 3 ຄັ້ງບໍ່ກວດພົບຖືກຕິດເຊື້ອພະຍາດໄວຣັດ nCoV ອີກ)
ວັນທີ 04 ກຸມພາ, ຄົນເຈັບຊື່ວ່າ Li Zichao, ອາຍຸ 28 ປີ, ຖືສັນຊາດຈີນ, ເຊິ່ງແມ່ນໜຶ່ງໃນຈຳນວນ 2 ຄົນຖືກຕິດເຊື້ອພະຍາດໄວຣັດສາຍພັນໃໝ່ ໂກໂຣນາ (nCoV) ໄດ້ອອກຈາກໂຮງໝໍແລ້ວ, ພາຍຫຼັງທີ່ໄດ້ຮັບການປິ່ນປົວເປັນເວລາ 13 ວັນ ຢູ່ໂຮງໝໍ ເຈີ້ໄຣ້, ນະຄອນໂຮ່ຈິມິນ. ທ່ານ ປອ, ທ່ານໝໍ ເລກ໊ວກຮຸ່ງ, ຫົວໜ້າພະແນກພະຍາດເຂດຮ້ອນ, ໂຮງໝໍເຂດຮ້ອນ ເຈີ້ໄຣ້ ໃຫ້ຮູ້ວ່າ, ພາຍຫຼັງໄດ້ຮັບການປິ່ວປົວ, ຄົນເຈັບ Li Zichao ໄດ້ອອກຈາກໂຮງໝໍ ພາຍຫຼັງທີ່ວິໄຈເປັນ 4 ຄັ້ງບໍ່ກວດພົບຕິດເຊື້ອພະຍາດໄວຣັດ nCoV ອີກແລ້ວ ແລະ ອາການສຸຂະພາບເປັນປົກກະຕິດີ.
ແລະກໍ່ໃນວັນດຽວກັນ, ການນຳໂຮງໝໍເຂດຮ້ອນແຂວງ ແຄ໊ງຮ່າ ໃຫ້ຮູ້ວ່າ, ແມ່ຍິງຕ້ອນຮັບແຂກຢູ່ໂຮງແຮມຖືກຕິດເຊື້ອພະຍາດໄວຣັດ nCoV ໄດ້ວີໄຈເປັນ 3 ຄັ້ງບໍ່ກວດພົບຖືກຕິດເຊື້ອພະຍາດໄວຣັດ nCoV ອີກ. ຄາດວ່າ, ຕອນບ່າຍວັນທີ 04 ກຸມພາ ກໍ່ຈະອອກຈາກໂຮງໝໍໄດ້.ຕໍ່ໜ້າບັນດາການຜັນແປທີ່ສັບສົນຍ້ອນເຊື້ອພະຍາດໄວຣັດ nCoV, ນະຄອນຫຼວງຮ່າໂນ້ຍ ພວມສຸມໃສ່ຢ່າງແຮງໃຫ້ແກ່ວຽກງານປ້ອງກັນ, ຕ້ານເຊື້ອພະຍາດໄວຣັດ nCoV. ຮ່າໂນ້ຍ ກໍ່ໄດ້ປະກາດເບີໂທລະສັບສາຍດ່ວນເພື່ອຮັບຂໍ້ມູນກ່ຽວກັບການປ້ອງກັນ, ຕ້ານເຊື້ອພະຍາດໄວຣັດ nCoV; ຈັດແບ່ງໂຮງໝໍ 5 ແຫ່ງເພື່ອຮັບ, ແຍກຕົວ, ຕິດຕາມ ແລະ ປິ່ນປົວໃຫ້ແກ່ບັນດາຜູ້ຖືກຕິດເຊື້ອພະຍາດໄວຣັດນີ້.
ຢູ່ນະຄອນໂຮ່ຈີມິນ, ເພື່ອເປັນເຈົ້າການໂຄສະນາ ແລະ ຂົນຂວາຍປະຊາຊົນໃນວຽກງານປ້ອງກັນ, ຕ້ານເຊື້ອພະຍາດໄວຣັດ nCoV, ນະຄອນຈະພິມໃບປິວ 5 ລ້ານໃບ, ເອກະສານໂຄສະນາກ່ຽວກັບເຊື້ອພະຍາດໄວຣັດ nCoV ເຖິງແຕ່ລະຄອບຄົວ.
ໃນຂະນະນັ້ນ, ນະຄອນ ດ່ານັ້ງ ຫາກໍ່ສະເໜີໃຫ້ບັນດາທ້ອງຖິ່ນໂຄສະນາ, ສະເໜີແນະໃຫ້ປະຊາຊົນຈົ່ງເປັນເຈົ້າການໃນການປະຕິບັດບັນດາວຽກງານການບໍລິການສາທາລະນະໃນທຸກຂົງເຂດໂດຍກົງຜ່ານເຄືອຂ່າຍອີນເຕີແນັດ.
(ແຫຼ່ງຄັດຈາກ VOV)
