ແຂກທ່ອງທ່ຽວສາກົນໄປຢ້ຽມຊົມບັນດາສະຖານທີ່ປູຊະນີຍະສະຖານປະຫວດສາດ ຂອງ ຫວຽດນາມ

(ພາບ: CTV/TTXVN)

ນີ້ແມ່ນເຫດການສຳຄັນເພື່ອແນໃສ່ດຶງດູດເອົາຂໍ້ລິເລີ່ມ, ມາດຕະການແກ້ໄຂຂໍ້ຫຍຸ້ງຍາກ, ຂໍ້ຂາດຕົກບົກຜ່ອງ, ສ້າງເງື່ອນໄຂໃຫ້ການທ່ອງທ່ຽວຫວຽດນາມພັດທະນາ. ຄາດຄະເນວ່າ ຈະມີຜູ້ແທນ ປະມານ 2000 ທ່ານເຂົ້າຮ່ວມກອງປະຊຸມຄົບຄະນະຂອງເວທີປາໄສນີ້.

ການຈັດຕັ້ງເວທີປາໄສເພື່ອມຸ່ງໄປເຖິງ 3 ເປົ້າໝາຍ: ເຫັນດີເປັນເອກະພາບຕໍ່ໂຄງການດຳເນີນງານ ເພື່ອປັບປຸງກຳລັງແກ້ງແຍ້ງການທ່ອງທ່ຽວແຫ່ງຊາດ; ຊຸກຍູ້ການແກ້ໄຂບັນຫາເລັ່ງລັດ ການລົງທຶນ, ໂຄສະນາ, ດຶງດູດແຂກທ່ອງທ່ຽວ ຈາກຕະຫຼາດຍຸດທະສາດ; ຫັນຂໍ້ລິເລີ່ມໃນການກໍ່ສ້າງຕະຫຼາດການບິນຮ່ວມ ອາຊຽນ ປີ 2020 ໃຫ້ປະກົດຜົນເປັນຈິງ.

ກ່າວຄຳເຫັນທີ່ກອງປະຊຸມຖະແຫຼງຂ່າວກ່ຽວກັບເວທີປາໄສ, ທ່ານ ເຈິ່ນຈ້ອງກຽນ, ປະທານສະພາທີ່ປຶກສາ ການທ່ອງທ່ຽວ ຫວຽດນາມ, ສະມາຊິກຄະນະຄົ້ນຄ້ວາພັດທະນາເສດຖະກິດ ພາກເອກະຊົນ, ໃຫ້ຮູ້ວ່າ:

ເວທີປາໄສຂອງຂະແໜງການທ່ອງທ່ຽວ ແມ່ນເພື່ອແນໃສ່ຊຸກຍູ້ການພັດທະນາການທ່ອງທ່ຽວຫວຽດນາມໃຫ້ຍືນຍົງ. ບັນດາອົງການຄຸ້ມຄອງລັດ, ລັດຖະບານ, ກະຊວງວັດທະນະທຳ - ກິລາ ແລະ ທ່ອງທ່ຽວ, ບັນດາກະຊວງ, ຂະແໜງການທີ່ກ່ຽວຂ້ອງ ຈະມີໂອກາດສົນທະນາໂດຍກົງກັບນັກລົງທຶນທັງຢູ່ພາຍໃນ ແລະ ຕ່າງປະເທດ. ເວທີປາໄສແມ່ນບ່ອນປະກາດບັນດານະໂຍບາຍ, ຍຸດທະສາດ, ຄວາມສາມາດບົ່ມຊ້ອນແຫ່ງຊາດ ເພື່ອຊອກຫາວິທີການແກ້ໄຂບັນຫາເລັ່ງລັດການລົງທຶນ, ໂຄສະນາ, ດຶງດູດແຂກທ່ອງທ່ຽວຈາກຕະຫຼາດທ່ອງທ່ຽວແຫ່ງຕ່າງໆ.

(ແຫຼ່ງຄັດຈາກ VOV)