ຂ່າວສານ

ເວທີປາໄສລະຫວ່າງລັດຖະບານ ກ່ຽວກັບຄົມມະນາຄົມຂົນສົ່ງແບບຍືນຍົງ ຢູ່ພາກພື້ນ ອາຊີ ຄັ້ງທີ 12

29/10/2019

ໃນລະຫວ່າງວັນທີ 28 – 30 ຕຸລາ 2019, ຢູ່ຮ່າໂນ້ຍ, ກະຊວງຄົມມະນາຄົມຂົນສົ່ງ ໄດ້ສົມທົບກັບກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ກະຊວງກໍ່ສ້າງ, ຄະນະກໍາມະການປະຊາຊົນນະຄອນຮ່າໂນ້ຍ, ກະຊວງສິ່ງແວດລ້ອມ ຍີ່ປຸ່ນ ແລະ ສູນພັດທະນາເຂດ ສປຊ ຮ່ວມກັນຈັດຕັ້ງ “ເວທີປາໄສລະຫວ່່າງລັດຖະບານ ກ່ຽວກັບຄົມມະນາຄົມຂົນສົ່ງແບບຍືນຍົງ ພາກພື້ນ ອາຊີ ຄັ້ງທີ 12 - EST 12.

(ພາບປະກອບ: TTXVN)

ເຂົ້າຮ່ວມວາລະໄຂເວທີປາໄສ EST 12 ຢູ່ຮ່າໂນ້ຍ, ມີການເຂົ້າຮ່ວມຂອງທ່ານຮອງນາຍົກລັດຖະມົນຕີຫວຽດນາມ ຈິ້ງດິ່ງຢຸງ ພ້ອມດ້ວຍການນໍາບັນດາກະຊວງ, ຂະແໜງການ ແລະ ທ້ອງຖິ່ນ.

ບັນດາຜູ້ແທນເຂົ້າຮ່ວມກອງປະຊຸມໄດ້ປຶກສາຫາລືກ່ຽວກັບບັນດາມາດຕະການຊຸກຍູ້ການພັດທະນານະຄອນອັດສະລິຍະ, ລະບົບຄົມມະນາຄົມອັດສະລິຍະ ເພື່ອແນໃສ່ຫຼຸດຜ່ອນການປ່ອຍອາຍພິດເຮືອນແກ້ວ, ຫຼຸດຜ່ອນການປ່ອຍທາດເສດເຫຼືອກໍ່ມົນລະພິດ, ປົກປັກຮັກສາສິ່ງແວດລ້ອມ, ພິເສດແມ່່ນມົນລະພິດອາກາດ ຢູ່ບັນດາຕົວເມືອງ, ຮັບປະກັນການກໍ່ສ້າງລະບົບຄົມມະນາຄົມປອດໄພ ແລະ ສະດວກ.
ທີ່ເວທີປາໄສ EST 12 ຄັ້ງນີ້ ໄດ້ດໍາເນີນ 15 ເຫດການໃຫຍ່ ແລະ ລາຍການໄປສໍາຫຼວດເຕັກນິກ ກ່ຽວກັບຕົວເມືອງອັດສະລິຍະ ຢູ່ແຂວງກວ໋າງນິງ ໃນວັນທີ 31 ຕຸລາ 2019 ນີ້.

(ແຫຼ່ງຄັດຈາກ VOV)

ພິທີສະເຫຼີມສະຫຼອງ 80 ປີແຫ່ງວັນຊາດ ຫວຽດນາມ ວັນທີ 2 ກັນຍາ: ໂອກາດເພື່ອໃຫ້ ຫວຽດນາມ ພ້ອມກັບເພື່ອນມິດສາກົນເຊີດຊູບັນດາຄຸນຄ່າທີ່ຄົງຕົວ ຂອງເອກະລາດ ແລະ ເສລີພາບ

19/07/2025
ຂ່າວສານ

ພິທີສະເຫຼີມສະຫຼອງວັນຊາດວັນທີ 2 ກັນຍາອີກຄັ້ງໜຶ່ງໄດ້ຢັ້ງຢືນຄວາມໝາຍທີ່ຍິ່ງໃຫຍ່ນັ້ນ, ເຊີດຊູບັນດາຜົນສຳເລັດຂອງປະຊາຊົນ ຫວຽດນາມ ໃນພາລະກິດແຫ່ງການຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບ, ສ້າງສາ ແລະ ປົກປັກຮັກສາປະເທດຊາດກໍຄື ພາລະກິດແຫ່ງການປ່ຽນແປງໃໝ່ເພື່ອມີຫວຽດນາມ ທີ່ພວມກ້າວເຂົ້າສູ່ສັງກາດບຸກບື່ນພັດທະນາ ເຂັ້ມແຂງແຮງກ້າວຄືໃນປັດຈຸບັນ.