ນັບແຕ່ວັນທີ 27 ຕຸລາ, ຈະອະນຸຍາດໃຫ້ແຂກທ່ອງທ່ຽວທີ່ມີການສຳຜັດໄປ - ມາລະຫວ່າງ ບັງກະລາເທດ, ອິນເດຍ, ມຽນມາ, ເນປານ, ປາກິດສະຖານ ແລະ ສີລັງກາ ໄດ້ເຂົ້າເມືອງ ຫຼື ຜ່ານແດນ ສິງກະໂປ.
ອ່າວ Marina, ສິງກະໂປ (ພາບ: THX/TTXVN)
ທີ່ກອງປະຊຸມຖະແຫຼງຂ່າວແບບທາງໄກ ໃນວັນທີ 23 ຕຸລາ, ກຳລັງລະຫວ່າງກະຊວງຮັບຜິດຊອບກ່ຽວກັບວຽກງານ ໂຄວິດ - 19 (MTF) ຂອງ ສິງກະໂປ ໃຫ້ຮູ້ວ່າ, ນັບແຕ່ວັນທີ 27 ຕຸລາ, ຈະອະນຸຍາດໃຫ້ແຂກທ່ອງທ່ຽວທີ່ມີການສຳຜັດໄປ - ມາລະຫວ່າງ ບັງກະລາເທດ, ອິນເດຍ, ມຽນມາ, ເນປານ, ປາກິດສະຖານ ແລະ ສີລັງກາ ໄດ້ເຂົ້າເມືອງ ຫຼື ຜ່ານແດນ ສິງກະໂປ. ແຂກທ່ອງທ່ຽວທີ່ມາຈາກບັນດາປະເທດເຫຼົ່ານັ້ນ ຈະຕ້ອງປະຕິບັດມາດຕະການຄວບຄຸມຊາຍແດນຢ່າງເຄັ່ງຄັດທີ່ສຸດ, ໃນນັ້ນ ມີການແຍກຕົວຢູ່ສູນແຍກຕົວໃນເວລາ 10 ວັນ.
ໄປຄຽງຄູ່ກັນນັ້ນ, ກໍນັບແຕ່ວັນທີ 27 ຕຸລາ ເປັນຕົ້ນໄປ, ສິງກະໂປ ຈະຜ່ອນຜັນມາດຕະການສຳລັບແຂກທ່ອງທ່ຽວທີ່ມາຈາກປະເທດບ້ານໃກ້ເຮືອນຄຽງຄື ມາເລເຊຍ ແລະ ອິນໂດເນເຊຍ.
MOH ໃຫ້ຮູ້ວ່າ ແຂກທ່ອງທ່ຽວທີ່ມາຈາກ ມາເລເຊຍ, ອິນໂດເນເຊຍ, ກຳປູເຈຍ, ອີຢິບ, ຮຸງກາຣີ, ອິດສະຣາແອັນ, ກາຕາ, Seychelles, ອາຟະລິກາໃຕ້, ສະຫະລັດ ອາຣັບ ເອມີເລດ (UAE) ແລະ ຫວຽດນາມ ຈະຕ້ອງແຍກຕົວໃນເວລາ 10 ວັນຢູ່ ບ່ອນພັກອາໄສ.
(ແຫຼ່ງຄັດຈາກ VOV)