ຕາມຂ່າວພາກຄ່ຳວັນທີ 25 ກັນຍາ ຂອງກະຊວງສາທາລະນະສຸກ ຫວຽດນາມ ໃຫ້ຮູ້ວ່າ ນັບແຕ່ເວລາ 17 ໂມງ ຂອງວັນທີ 24 ກັນຍາ ຫາເວລາ 17 ໂມງຂອງວັນທີ 25 ກັນຍາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລາຍໃໝຕື່ມອີກ 9.706 ຄົນ ຢູ່ 34 ແຂວງ, ນະຄອນ. ໃນນັ້ນ, ນະຄອນ ໂຮ່ຈີມິນ ແລະ ບິ່ງເຢືອງ ແມ່ນສອງທ້ອງຖິ່ນມີຈຳນວນຜູ້ຕິດເຊື້ອຫຼາຍທີ່ສຸດ.
ໄລຮອດວັນທີ 25 ກັນຍາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 736.972 ຄົນ ຢືນອັນດັບ 46/222 ປະເທດ ແລະ ເຂດແຄ້ວນ ແລະ ຍອດຈຳນວນຄົນເຈັບທີ່ປິ່ນປົວຫາຍດີ ແມ່ນ 505.859 ຄົນ ແລະ ຄົນເຈັບຕິດເຊື້ອໂຄວິດ -19 ຖືກເສຍຊີວິດ ແມ່ນ 18.220 ຄົນ
ປະຈຸບັນ, ມີ 16 ໃນຈຳນວນ 63 ແຂວງ, ນະຄອນຢູ່ຫວຽດນາມ ໄດ້ຜ່ານ 14 ວັນ ຊຶ່ງບໍ່ມີກໍລະນີຕິດເຊື້ອໃໝ່ຢູ່ພາຍໃນປະເທດ, ນັ້ນແມ່ນ ບັກກ້ານ, ຕວຽນກວາງ, ລາຍເຈົາ, ຮ່ວາບີງ , ອຽນບ້າຍ, ຮ່າຢາງ, ທ້າຍງວຽນ, ດ້ຽນບຽນ, ວີ້ງຟຸກ, ຫາຍຟ່ອງ, ຝຸ້ເຖາະ, ນິງບີງ, ນາມດີ້ງ, ບັກຢາງ, ຖ້າຍບີງ ແລະ ຫຼ້າງເຊີນ
ຍອດຈຳນວນວັກຊິນທີ່ໄດ້ສັກແມ່ນ ເກືອບ 36,8 ລ້ານ ໂດສ, ໃນນັ້ນເຂັມທີ 2 ແມ່ນ 7,2 ລ້ານໂດສ.
ສ່ວນຢູ່ໃນໂລກ, ໄລຮອດເວລາ 1ໂມງເຄິ່ງ ວັນທີ 25 ກັນຍາ ຕາມເວລາ UTC, ໂລກຢັ້ງຢືນ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 231.864.262 ຄົນ, ໃນນັ້ນ ມີ 4.750.491 ຄົນຖືກເສຍຊີວິດ. ຍອດຈຳນວນຄົນເຈັບທີ່ປິ່ນປົວຫາຍດີ ແມ່ນ ກ່ວາ 208 ລ້ານ ຄົນ. ອາເມລິກາຍັງຄົງແມ່ນປະເທດຮັບຜົນສະທ້ອນຢ່າງໜັກກ່ວາໝູ່ດ້ວຍຈຳນວນຜູ້ຕິດເຊື້ອ 43.635.337 ຄົນ ແລະ 704.478 ຄົນເສຍຊີວິດ. ຖັດມາແມ່ນອິນເດຍ ແລະ ບຣາຊິວ.
(ແຫຼ່ງຄັດຈາກ VOV)
