ທ່ານຮອງນາຍົກລັດຖະມົນຕີຫວຽດນາມ ເວືອງດິ່ງເຫວ້ ເປັນປະທານກອງປະຊຸມ (ພາບ: TTXVN)

ວັນທີ 04 ມັງກອນ, ຢູ່ສໍານັກງານລັດຖະບານ, ທ່ານຮອງນາຍົກລັດຖະມົນຕີຫວຽດນາມ ເວືອງດິ່ງເຫວ້ ໄດ້ເປັນປະທານກອງປະຊຸມ ຂອງຄະນະຊີ້ນໍາສູນກາງ ບັນດາໂຄງການເປົ້າໝາຍແຫ່ງຊາດ ໄລຍະ 2016 – 2020, ຕີລາຄາຜົນແຫ່ງການປະຕິບັດບັນດາໂຄງການເປົ້າໝາຍແຫ່ງຊາດ ປີ 2018, ກໍ່ສ້າງບັນດາໜ້າທີ່ຈຸດສຸມໃນປີ 2019. ກ່າວຄໍາເຫັນສະຫຼຸບກອງປະຊຸມ, ທ່ານຮອງນາຍົກລັດຖະມົນຕີ ເວືອງດິ່ງເຫວ້ ຊີ້ແຈ້ງວ່າ ສໍາລັບຄາດໝາຍຂອງປີ 2019 ນີ້, ຫວຽດນາມຕ້ອງປະຕິບັດໃຫ້ສໍາເລັດ ແລະ ລື່ນກາຍລະດັບ 50% ຈໍານວນຕາແສງໃນທົ່ວປະເທດບັນລຸມາດຕະຖານຊົນນະບົດໃໝ່, ລື່ນການຄາດໝາຍ 70 ເມືອງບັນລຸມາດຕະການຊົນນະບົດໃໝ່ ແລະ ພິຈາລະນາບັນດາແຂວງ, ນະຄອນ ທີ່ປະຕິບັດສໍາເລັດໜ້າທີ່ກໍ່ສ້າງຊົນນະບົດໃໝ່່. ທ່ານຮອງນາຍົກລັດຖະມົນຕີ ຊີ້ແຈ້ງວ່າ ບັນດາກະຊວງ, ຂະແໜງການ ຕ້ອງຫັນບັນດາເນື້ອໃນຂອງເປົ້າໝາຍຫຼຸດຜ່ອນຄວາມທຸກຍາກ ໃຫ້ເປັນພຶດຕິກໍາຕົວຈິງ, ບັນດາແຂວງ, ນະຄອນ ຄວນສຸມໃສ່ຊີ້ນໍາກໍ່ສ້າງຊົນນະບົດໃໝ່ເປັນແບບຢ່າງ.

        ກະຊວງການເງິນ ແລະ ທະນາຄານນະໂຍບາຍສັງຄົມ ຈະຍື່ນສະເໜີຕໍ່ລັດຖະບານ, ນາຍົກລັດຖະມົນຕີ ກ່ຽວກັບການສະເໜີລະດັບເງິນໃຫ້ກູ້ຢືມ ສໍາລັບຄອບຄົວທຸກຍາກ ໂດຍໄວ.

(ແຫຼ່ງຄັດຈາກ VOV)