ໃນລະຫວ່າງວັນທີ 20 – 21 ພະຈິກ, 2 ຄະນະກຳມະການຮ່ວມມື ລາວ - ຫວຽດນາມ, ຫວຽດນາມ - ລາວ ໄດ້ຈັດຕັ້ງກອງປະຊຸມ ເພື່ອກະກຽມໃຫ້ກອງປະຊຸມຄະນະກຳມະການຮ່ວມມືທະວີພາຄີລະຫວ່າງລັດຖະບານ ລາວ - ຫວຽດນາມ ຄັ້ງທີ 43, ຄາດວ່າ ຈະດຳເນີນໃນຕົ້ນເດືອນ ທັນວາ ຈະມາເຖິງ. ບັນດາຜູ້ແທນເຂົ້າຮ່ວມກອງປະຊຸມ ໄດ້ຕີລາຄາວ່າ ໂດຍບໍ່ຫົວຊາຕໍ່ໂລກລະບາດໂຄວິດ-19, ທັງ ລາວ ແລະ ຫວຽດນາມ ລ້ວນແຕ່ມານະພະຍາຍາມຄວບຄຸມເປັນຢ່າງດີ, ບໍ່ປະໃຫ້ໂລກລະບາດກໍ່ຜົນສະທ້ອນຕໍ່ການຮ່ວມມືລະຫວ່າງ 2 ປະເທດ. 2 ຝ່າຍກໍ່ໄດ້ປຶກສາຫາລື ແລະ ດັດປັບເນື້ອໃນຮ່າງຍຸດທະສາດຮ່ວມມື ລາວ - ຫວຽດນາມ, ຫວຽດນາມ - ລາວ ໄລຍະ 10 ປີ (2021 - 2030) ແລະ ສັນຍາຮ່ວມມືໄລຍະ 5 ປີ (2021 - 2025) ລະຫວ່າງ 2 ປະເທດ. 2 ຄະນະກຳມະການກໍ່ສະຫລຸບ, ຕີລາຄາການພົວພັນຮ່ວມມືລົງທຶນ ລາວ - ຫວຽດນາມ ໃນປີ 2020 ແລະ ຍົກອອກທິດທາງການຮ່ວມມືລະຫວ່າງ 2 ຝ່າຍໃນປີ 2021. ໄປຄຽງຄູ່ກັນນັ້ນ, 2 ຝ່າຍກໍ່ໄດ້ເຊັນບົດບັນທຶກການເຮັດວຽກ ແນໃສ່ເຫັນດີເປັນເອກະພາບໃນວຽກງານສົມທົບກັນກະກຽມເນື້ອໃນໃຫ້ແກ່ກອງປະຊຸມຄັ້ງທີ 43 ປີ 2021 ຂອງຄະນະກຳມະການຮ່ວມມື 2 ຝ່າຍລະຫວ່າງ ລາວ ແລະ ຫວຽດນາມ.
(ແຫຼ່ງຄັດຈາກ VOV)
