ຂ່າວສານ
ການທົດລອງສັກວັກຊິນ COVIVAX ໃນເບື້ອງຕົ້ນ ມີປະສິດທິຜົນຕໍ່ເຊື້ອໄວຣັດສາຍພັນໃໝ່
ພາຍຫຼັງວິທະຍາຄານເສນາຮັກ ປະກາດໝາກຜົນການທົດລອງວັນຊິນ ກັນພະຍາດໂຄວິດ - 19 ໃນເບື້ອງຕົ້ນຂອງ ຫວຽດນາມ ແມ່ນ Nanocovax ມີປະສິດທິຜົນສຳລັບເຊື້ອໄວຣັດສາຍພັນໃໝ່ຂອງອັງກິດ, ໃນວັນທີ 27 ກຸມພາ, ສະຖາບັນວັກຊິນ ແລະ ຢາຊີວະ ( IVAC) ກໍ່ໃຫ້ຮູ້ວ່າ ຜ່ານການທົດລົງວັກຊິນ COVIVAX ໃນເບື້ອງຕົ້ນ ກໍ່ມີປະສິດທິຜົນສຳລັບເຊື້ອໄວຣັດສາຍພັນໃໝ່. ຖ້າຫາກວ່າສຳເລັດ, ວັກຊິນນີ້ ຈະມີລາຄາພຽງແຕ່ 2,5 USD/ໂດສ. ວັກຊິນ COVIVAC ແມ່ນວັນຊິນກັນ ໂຄວິດ - 19 ຊະນິດທີ 2 ຂອງ ຫວຽດນາມ ໄດ້ຮັບການທົດລອງຕໍ່ຄົນໃນເດືອນມີນາຈະມາເຖິງ ແລະ ຄາດວ່າ ຈະສຳເລັດໃນເດືອນຕຸລາ 2021.
ແລະກໍ່ໃນວັນດຽວກັນ, ຢູ່ກະຊວງສາທາລະນະສຸກຫວຽດນາມ, ກຸ່ມບໍລິສັດ Vingroup ໄດ້ມອບເງິນຈຳນວນ 20 ຕື້ດົ່ງໃຫ້ແກ່ສະຖາບັນ IVAC ເພື່ອປະຕິບັດການເຄື່ອນໄຫວຄົ້ນຄ້ວາທົດລອງວັກຊິນ COVIVAC. ກ່າວຄຳເຫັນຢູ່ທີ່ນີ້, ທ່ານ ຫງວຽນແທັງລອງ ລັດຖະມົນຕີກະຊວງສາທາລະນະສຸກ ຫວຽດນາມ ເນັ້ນໜັກວ່າ: ການສະໜັບສະໜູນຂອງກຸ່ມບໍລິສັດ Vingroup ຈະປະກອບສ່ວນຊ່ວຍໃຫ້ຫວຽດນາມ ມີວັກຊິນທີ່ໄດ້ຜະລິດຢູ່ພາຍໃນປະເທດໃນໄວໆນີ້ເພື່ອເປັນເຈົ້າການປ້ອງກັນ, ສະກັດກັ້ນໂລກລະບາດໂຄວິດ - 19.
(ແຫຼ່ງຄັດຈາກ VOV)
