ທ່ານ ຫວາງອີ ລັດຖະມົນຕີການຕ່າງປະເທດ ຈີນ ແລະ ທ່ານ Taro Kono
ລັດຖະມົນຕີການຕ່າງປະເທດ ຍີ່ປຸ່ນ (ພາບ: REUTER)
ຕາມທ່ານລັດຖະມົນຕີການຕ່າງປະເທດ ຈີນ ຫວາງອີ ແລ້ວ, ການພົວພັນລະຫວ່າງ ຈີນ ແລະ ຍີ່ປຸ່ນ ໄດ້ກັບຄືນສູ່ສະພາບເປັນປົກກະຕິອັນດີງາມ ແລະ ບັນລຸໄດ້ບັນດາໝາກຜົນໃໝ່ ໂດຍອີງໃສ່ບັນດາຄວາມມານະພະຍາຍາມລວມຂອງບັນດາການນຳ ແລະ ປະຊາຊົນ 2 ປະເທດ. ທ່ານ ຫວາງອີ ເນັ້ນໜັກວ່າ ຈີນ ແລະ ຍີ່ປຸ່ນ ຄວນປະຕິບັດບັນດາຄວາມມານະພະຍາຍາມລວມ ແນໃສ່ຊຸກຍູ້ຄວາມເສລີ ແລະ ສ້າງເງື່ອນໄຂສະດວກໃຫ້ແກ່ການຄ້າ ແລະ ການລົງທຶນ, ປົກປັກຮັກສາສະພາບແວດລ້ອມແຫ່ງການດຳເນີນທຸລະກິດຍຸຕິທຳ, ສະເໝີພາບ…
ສ່ວນທ່ານລັດຖະມົນຕີການຕ່າງປະເທດ ຍີ່ປຸ່ນ Taro Kono ຖືວ່າ: ການຮ່ວມມືດ້ານເສດຖະກິດຍາມໃດກໍ່ແມ່ນພື້ນຖານສຳຄັນ ແລະ ແມ່ນກຳລັງນຳພາບັນດາການພົວພັນລະຫວ່າງ ຍີ່ປຸ່ນ ແລະ ຈີນ. ປະເຊີນໜ້າຕໍ່ສະພາບການຂາດສະຖຽນລະພາບຢ່າງຮ້າຍແຮງໃນທົ່ວໂລກ, 2 ຝ່າຍຄວນຮ່ວມມືປົກປັກຮັກສາກົນໄກການຄ້າຫລາຍຝ່າຍ ໂດຍອີງໃສ່ກົດໝາຍ.
(ແຫຼ່ງຄັດຈາກ VOV)
