ຄະນະຜູ້ແທນ ຫວຽດນາມ (ພາບ: TTXVN)

      ກ່າວຄຳເຫັນທີ່ກອງປະຊຸມ SOM, ທ່ານ ເລກວາງແມ້ງ, ຮອງລັດຖະມົນຕີກະຊວງແຜນການ ແລະ ການລົງທຶນຖືວ່າ: ປັດຈຸບັນ, ບັນດາໂຄງການກ່ຽວກັບການພັດທະນາເຂດຊາຍແດນລະຫວ່າງ 3 ປະເທດ ຫວຽດນາມ - ລາວ - ກຳປູເຈຍ ໄດ້ ແລະ ພວມຜັນຂະຫຍາຍ, ພິເສດແມ່ນໃນບັນດາຂົງເຂດຄື ເຂື່ອນໄຟຟ້ານ້ຳຕົກ, ການຂຸດຄົ້ນແຮ່ທາດ, ປູກ ແລະ ປຸງແຕ່ງຜະລິດຕະພັນຕົ້ນໄມ້ອຸດສາຫະກຳ. ເປົ້າໝາຍຂອງການສ້າງຕັ້ງການຮ່ວມມືໃນເຂດສາມຫຼ່ຽມພັດທະນາ ກຳປູເຈຍ - ລາວ - ຫວຽດນາມ (CLV) ແມ່ນເພີ່ມທະວີຄວາມສາມັກຄີ ແລະ ການຮ່ວມມືລະຫວ່າງສາມປະເທດເພື່ອແນໃສ່ຮັກສາຄວາມໝັ້ນຄົງ, ຄວາມສະຖຽນລະພາບດ້ານການເມືອງ, ລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ ແລະ ພັດທະນາ ເສດຖະກິດ - ສັງຄົມ ໃນພາກພື້ນ. ການຮ່ວມມືໃນເຂດສາມຫຼ່ຽມພັດທະນາໄດ້ສຸມໃສ່ເຂົ້າໃນບັນດາຂົງເຂດຄື: ຄວາມໝັ້ນຄົງ - ການຕ່າງປະເທດ, ຄົມມະນາຄົມ ຂົນສົ່ງ, ອຸດສາຫະກຳ, ກະສິກຳ, ການຄ້າ, ການລົງທຶນ, ບັນດາຂົງເຂດສັງຄົມ ແລະ ປົກປັກຮັກສາສິ່ງແວດລ້ອມ.

 (ແຫຼ່ງຄັດຈາກ VOV)