ຕອນເຊົ້າວັນທີ 4 ກັນຍາ, ຢູ່ສິງກະໂປ, ໄດ້ດໍາເນີນວາລະໄຂ ກອງປະຊຸມສະມັດຊາ ລັດຖະສະພາ ລະຫວ່າງຊາດ ອາຊຽນ (AIPA) ຄັ້ງທີ 39 ດ້ວຍການເຂົ້າຮ່ວມຂອງ 10 ປະເທດສະມາຊິກໃນພາກພື້ນ.
ຄະນະຜູ້ແທນຫວຽດນາມເຂົ້າຮ່ວມກອງປະຊຸມສະມັດຊາ AIPA ຄັ້ງທີ 39
ທ່ານຮອງປະທານສະພາແຫ່ງຊາດຫວຽດນາມ ໂດ໋ບ໊າຕິ ໄດ້ນໍາໜ້າຄະນະຜູ້ແທນຫວຽດນາມ ເຂົ້າຮ່ວມ. ກ່າວຄໍາເຫັນທີ່ພິທີໄຂ, ທ່ານຮອງນາຍົກລັດຖະມົນຕີ ສິງກະໂປ Teo Chee Hean ໃຫ້ຮູ້ວ່າ: ປັດຈຸບັນ, ອາຂຽນພວມຕ້ອງປະເຊີນໜ້າກັບບັນດາສິ່ງທ້າທາຍ ນັ້ນແມ່ນ ການຫັນປ່ຽນຂອງບັນດາກະແສຄື້ນພູມີສາດການເມືອງ, ຜົນກະທົບຂອງບັນດາບັນຫາຄວາມໝັ້ນຄົງທີ່ກ່ຽວຂ້ອງເຖິງການທະຫານ ແລະ ປອດການທະຫານ. ທ່ານຮອງນາຍົກລັດຖະມົນຕີ ສິງກະໂປຖືວ່າ AIPA ຕ້ອງສຸມໃສ່ 4 ບັນຫາຄື ການສ້າງສາຍຮ່ວມສໍາພັນ, ການປະດິດຄິດສ້າງ, ການຮັບມື ແລະ ບັນຫາດິນຟ້າອາກາດ. ດ້ວຍຖານະເປັນປະທານອາຊຽນ, ສິງກະໂປ ໃຫ້ຄໍາໝັ້ນສັນຍາ ກັບບັນດາປະເທດສະມາຊິກ ວ່າ ຍາມໃດກໍພ້ອມແລ້ວທີ່ຈະຂຸດຄົ້ນບັນດາກາລະໂອກາດໃໝ່ ແລະ ຄວບຄຸມບັນດາສິ່ງທ້າທາຍໃໝ່ທີ່ຫາກໍພົ້ນເດັ່ນຂຶ້ນ. ສໍາລັບວຽກງານຂອງ ກອງປະຊຸມສະມັດຊາໃຫຍ່ AIPA ຄັ້ງທີ 39 ນີ້ ແມ່ນການສຸມໃສ່ສ້າງ ອາຊຽນ ໃຫ້ໝັ້ນຄົງເຂັ້ມແຂງ ແລະ ປະດິດຄິດສ້າງ ກໍແມ່ນສິ່ງທີ່ອາຊຽນ ພວມມຸ່ງໄປເຖິງ.
(ແຫຼ່ງຄັດຈາກ VOV)