ຂ່າວສານ

ໃນ 24 ຊົ່ວໂມງທີ່ຜ່ານມາ, ຫວຽດນາມຢັ້ງຢືນມີຜູ້ຕິດເຊື້ອໂຄວິດ - 19 ຢູ່ພາຍໃນປະເທດ ຈຳນວນ 10.583 ຄົນ

15/09/2021

ຫວຽດນາມ ໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກ 10.583 ຄົນ ຢູ່ 34 ແຂວງ ແລະ ນະຄອນ

ການເອົາຕົວຢ່າງວິໄຈຫາເຊື້ອ

ນັບແຕ່ເວລາ 17 ໂມງ ຂອງວັນທີ 14 ກັນຍາ ຫາ ເວລາ 17 ໂມງຂອງວັນທີ 15 ກັນຍາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຈຳນວນ 10.583 ຄົນ ຢູ່ 34 ແຂວງ ແລະ ນະຄອນ. ສະເພາະນະຄອນໂຮ່ຈິມິນມີ 5.301 ກໍລະນີ, ບີງເຢືອງ 3.228 ກໍລະນີ, ດົງນາຍ 808 ກໍລະນີ, ຮ່າໂນ້ຍ ມີ 14 ກໍລະນີ.

ໃນວັນທີ 15 ກັນຍາ ຍອດຈຳນວນຄົນເຈັບທີ່ປິ່ນປົວຫາຍດີທີ່ປະກາດ ແມ່ນ 14.189 ຄົນ ແລະ ໃນວັນດຽວກັນ, ຫວຽດນາມຢັ້ງຢືນມີຄົນເຈັບຕິດເຊື້ອໂຄວິດ -19 ຖືກເສຍຊີວິດ ແມ່ນ 250 ຄົນ.
ເປັນອັນວ່າ ໄລຮອດວັນທີ 15 ກັນຍາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 645.640 ຄົນ, ຍອດຈຳນວນຄົນເຈັບທີ່ປິ່ນປົວຫາຍດີ ແມ່ນ 412.650 ຄົນ ແລະ 16.186 ຄົນ ເສຍຊີວິດ

(ແຫຼ່ງຄັດຈາກ VOV)

ການສົ່ງອອກເຄື່ອງເອເລັກໂຕນິກມຸ່ງໄປເຖິງເປົ້າໝາຍບັນລຸ 145 ຕື້ USD

17/09/2025
ຂ່າວສານ

ໃນສະພາບການພູມສາດການເມືອງ ແລະ ເຕັກໂນໂລຢີທົ່ວໂລກ ມີການປ່ຽນແປງຢ່າງລຽນຕິດນັ້ນ, ຫວຽດນາມ ພວມຫັນປ່ຽນຈາກ “ໂຮງງານຜະລິດ” ກາຍເປັນສູນນະວັດຕະກໍາເຕັກໂນໂລຢີສູງຂອງພາກພື້ນ” ເທື່ອລະກ້າວ. ດ້ວຍວົງເງິນສົ່ງອອກເຄື່ອງເອເລັກໂຕນິກບັນລຸກວ່າ 125 ຕື້ USD ໃນປີ 2024 ແລະ ທ່າອຽງພວມເຕີບໂຕຢ່າງວ່ອງໄວ, ພ້ອມກັບການປະກົດຕົວຂອງສູນຄົ້ນຄວ້າ ແລະ ພັດທະນາ (R&D) ຕ່າງປະເທດທີ່ນັບມື້ນັບຫຼາຍ, ຫວຽດນາມ ພວມມຸ່ງໄປເຖິງເປົ້າໝາຍ ສົ່ງອອກເຄື່ອງເອເລັກໂຕນິກໃຫ້ບັນລຸ 145 ຕື້ USD.