ຂ່າວສານ

ໂລກລະບາດ Covid-19 ໄດ້ເກີດຂຶ້ນຢູ່ 34 ປະເທດ ແລະ ເຂດແຄ້ວນໃນໂລກ

25/02/2020

ໄລ່ຮອດຈຸດເວລານີ້, ໂລກລະບາດ Covid-19 ໄດ້ເກີດຂຶ້ນຢູ່ 34 ປະເທດ ແລະ ເຂດແຄ້ວນໃນໂລກ. ບັນດານັກຊ່ຽວຊານດ້ານການແພດໃນໂລກພວມມີຄວາມວິຕົກກັງວົນກ່ຽວກັບບັນດາກໍລະນີທີ່ບໍ່ມີຕົ້ນກຳເນີດຢ່າງຈະແຈ້ງຄືຢູ່ ອີຕາລີ, ສ.ເກົາຫຼີ ແລະ ອີຣານ ຊື່ງອາດຈະພົບເຫັນຢູ່ບັນດາປະເທດອື່ນໆໃນໂລກເຊັ່ນດຽວກັນ.

(ພາບປະກອບ/ AFP/TTXVN)

ວັນທີ 24 ກຸມພາ, ສາດສະດາຈານ Arnaud Fontanet, ນັກຊ່ຽວຊານດ້ານລະບາດວິທະຍາຢູ່ສະຖາບັນ Pasteur ຝຣັ່ງ ໃຫ້ຮູ້ວ່າ: ນີ້ແມ່ນໄລຍະເວລາໂລກລະບາດຈະຫັນໄປສູ່ໄລຍະຕິດແປດຢູ່ວົງຄະນະຍາດ. ການຄວບຄຸມໂລກລະບາດພວມເປັນການຍາກກ່ວາ ແລະ ມີຄວາມສ່ຽງຈະແຜ່ລະບາດຢ່າງແຮງຢູ່ບັນດາປະເທດອື່ນນອກຈາກ ຈີນ. ທ່ານ Nathalie MacDermott ອາຈານສອນຢູ່ມະຫາວິທະຍາໄລ King’s College London ໄດ້ຮຽກຮ້ອງບັນດາປະເທດທັງໝົດມີການກະທຳຢ່າງຮີບດ່ວນ ເພື່ອຄວບຄຸມໂລກລະບາດ, ສະກັດກັ້ນບັນດາກໍລະນີຕິດແປດອອກສູ່ວົງຄະນະຍາດ.

(ແຫຼ່ງຄັດຈາກ VOV)

ການສົ່ງອອກເຄື່ອງເອເລັກໂຕນິກມຸ່ງໄປເຖິງເປົ້າໝາຍບັນລຸ 145 ຕື້ USD

17/09/2025
ຂ່າວສານ

ໃນສະພາບການພູມສາດການເມືອງ ແລະ ເຕັກໂນໂລຢີທົ່ວໂລກ ມີການປ່ຽນແປງຢ່າງລຽນຕິດນັ້ນ, ຫວຽດນາມ ພວມຫັນປ່ຽນຈາກ “ໂຮງງານຜະລິດ” ກາຍເປັນສູນນະວັດຕະກໍາເຕັກໂນໂລຢີສູງຂອງພາກພື້ນ” ເທື່ອລະກ້າວ. ດ້ວຍວົງເງິນສົ່ງອອກເຄື່ອງເອເລັກໂຕນິກບັນລຸກວ່າ 125 ຕື້ USD ໃນປີ 2024 ແລະ ທ່າອຽງພວມເຕີບໂຕຢ່າງວ່ອງໄວ, ພ້ອມກັບການປະກົດຕົວຂອງສູນຄົ້ນຄວ້າ ແລະ ພັດທະນາ (R&D) ຕ່າງປະເທດທີ່ນັບມື້ນັບຫຼາຍ, ຫວຽດນາມ ພວມມຸ່ງໄປເຖິງເປົ້າໝາຍ ສົ່ງອອກເຄື່ອງເອເລັກໂຕນິກໃຫ້ບັນລຸ 145 ຕື້ USD.