(ພາບປະກອບ: AP)

ປະຈຸບັນ, ໂລກລະບາດໂຄວິດ-19 ໄດ້ແຜ່ລະບາດອອກສູ່ 199 ປະເທດ ແລະ ເຂດແຄ້ວນໃນທົ່ວໂລກ. ໃນທົ່ວໂລກໄດ້ມີຜູ້ຕິດໂລກລະບາດໂຄວິດ-19 123.390 ຄົນໄດ້ຮັບການປິ່ນປົວຫາຍດີ.

        ປະຈຸບັນ, ເອີລົບ ຍັງແມ່ນຈຸດຮ້ອນເຮັ່ງຂອງໂລກລະບາດໂຄວິດ-19. ໃນນັ້ນ, ອີຕາລີ ມີຈຳນວນຜູ້ເສຍຊີວິດຍ້ອນຕິດໂລກລະບາດໂຄວິດ 19 ຫຼາຍກວ່າໝູ່ໃນໂລກດ້ວຍ 8.215 ຄົນ, ຈຳນວນຜູ້ຕິດໂລກລະບາດນີ້ແມ່ນ 80.589 ຄົນ. ແອັດສະປາຍ ແມ່ນປະເທດມີຜູ້ເສຍຊີວີດຫຼາຍທີ 2 ໃນໂລກ, ດ້ວຍຜູ້ເສຍຊີວິດແມ່ນ 4.365 ຄົນ ແລະ ຜູ້ຕິດໂລກລະບາດແມ່ນ 57.786 ຄົນ.

        ບັນດາປະເທດອື່ນຢູ່ເອີລົບ ຄືຝລັ່ງ ໄດ້ມີ 1.696 ຄົນເສຍຊີວິດ, 29.155 ຄົນຕິດໂລກລະບາດ. ສະວິດແຈ້ງວ່າ ຈຳນວນຜູ້ຕິດໂລກລະບາດໂຄວິດ-19 ຢູ່ປະເທດນີ້ໄດ້ເພີ່ມຂຶ້ນ 10.714 ຄົນ, ຈຳນວນຜູ້ເສຍຊີວິດແມ່ນ 161 ຄົນ. ສິ່ງທີ່ໜ້າສົນໃຈນັ້ນແມ່ນ, ວັນທີ 26 ມີນາ, ເປັນຄັ້ງທຳອິດ ອັງກິດ ໄດ້ມີກວ່າ 100 ຄົນເສຍຊີວິດໃນຮອບເວລາ 24 ຊົ່ວໂມງຜ່ານມາ.

        ໃນຄະນະນັ້ນ, ຢູ່ຈີນ ໄດ້ມີ 3.287 ຄົນເສຍຊີວິດໃນຈຳນວນຜູ້ຕິດໂລກລະບາດໂຄວິດ-19 ແມ່ນ 81.285 ຄົນ. ອີຣານ ມີ 2.234 ຄົນເສຍຊີວິດ ແລະ 29.406 ຜູ້ຕິດໂລກລະບາດນີ້.

(ແຫຼ່ງຄັດຈາກ VOV)