ຂ່າວສານ

ໂຄສະນາ, ສົ່ງເສີມການທ່ອງທ່ຽວແຂວງນິງບິງ

14/07/2020

ວັນທີ 13 ກໍລະກົດ, ຢູ່ນະຄອນ ລ່າວກາຍ, ພະແນກວັດທະນະທໍາ, ກິລາ ແລະ ທ່ອງທ່ຽວແຂວງ ນິງບິ່ງ ໄດ້ສົມທົບກັບ ພະແນກວັດທະນະທໍາ, ກິລາ ແລະ ທ່ອງທ່ຽວ ແຂວງ ລ່າວກາຍ ຈັດຕັ້ງກອງປະຊຸມສົ່ງເສີມ, ເຊື່ອມຕໍ່ການທ່ອງທ່ຽວລະຫວ່າງສອງທ້ອງຖິ່ນ.

ກອງປະຊຸມສົ່ງເສີມ, ເຊື່ອມຕໍ່ການທ່ອງທ່ຽວລະຫວ່າງແຂວງ ນິງບິ່ງ ແລະ ລ່າວກາຍ (ພາບ: baolaocai.vn)

ຜູ້ຕາງໜ້າຂອງສອງແຂວງ ນິງບິ່ງ ແລະ ລ່າວກາຍ ໄດ້ແນະນໍາກ່ຽວກັບບັນດາຜະລິດຕະພັນທ່ອງທ່ຽວທີ່ເປັນເອກະລັກຂອງແຕ່ລະທ້ອງຖິ່ນ.

ກໍທີ່ກອງປະຊຸມ, ບັນດາວິສາຫະກິດທ່ອງທ່ຽວ ທີ່ມາຈາກແຂວງຕ່າງໆ ໄດ້ສະເໜີຕໍ່ການນໍາສອງແຂວງດັ່ງກ່າວ ແລະ ຂະແໜງຄຸ້ມຄອງລັດ ກ່ຽວກັບການທ່ອງທ່ຽວ ເພື່ອຊອກຫາມາດຕະການພັດທະນາການທ່ອງທ່ຽວຂອງສອງແຂວງ ນິງບິ່ງ ແລະ ລ່າວກາຍ. ບັນດາວິສາຫະກິດ ມີຄວາມສົນໃຈເປັນພິເສດເຖິງຄວາມສາມາດບົ່ມຊ້ອນ, ກົນໄກນະໂຍບາຍບຸລິມະສິດ ເພື່ອດຶງດູດແຂກທ່ອງທ່ຽວ, ຟື້ນຟູຂະແໜງທ່ອງທ່ຽວ ພາຍຫຼັງໂລກລະບາດໂຄວິດ - 19.

ມາຮອດຈຸດເວລານີ້, ບັນດາສະຖານທີ່ພັກເຊົາຢູ່ ນິງບິ່ງ ໄດ້ ແລະ ກໍາລັງຜັນຂະຫຍາຍຜະລິດຕະພັນໃໝ່ຫຼາຍຢ່າງ ເພື່ອກະຕຸ້ນການທ່ອງທ່ຽວຢູ່ພາຍໃນປະເທດ. ທາງແຂວງນິງບິ່ງ ຍັງສຸມໃສ່ຜັນຂະຫຍາຍບັນດາມາດຕະການພັດທະນາການທ່ອງທ່ຽວຢ່າງຄົບຊຸດ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.