ຂ່າວສານ

ເວັບໄຊ Foreign Affair Asia: ຫວຽດນາມ ມານະພະຍາຍາມຍົກເລີກບັດເຫຼືອງ IUU

10/07/2020

ວັນທີ 9 ກໍລະກົດ, ເວັບໄຊ Foreign Affair Asia ໄດ້ລົງບົດຂຽນດ້ວຍການໃຫ້ຂໍ້ສັງເກດວ່າ ຫວຽດນາມ ພວມມານະພະຍາຍາມຢ່າງສຸດຂີດເພື່ອສະກັດກັ້ນບັນດາການເຄື່ອນໄຫວຫາປາຢ່າງຜິດກົດໝາຍ, ບໍ່ລາຍງານ ແລະ ບໍ່ໄດ້ຮັບການຄວບຄຸມ (IUU) ເພື່ອຍາດແຍ່ງກາລະໂອກາດອັນໃຫຍ່ຫຼວງຈາກບັນດາຂໍ້ຕົກລົງສົ່ງອອກສິນໃນນໍ້າໃນອະນາຄົດ.

(ພາບ: TTXVN)

ບົດຂຽນດ່ັງກ່າວໃຫ້ຮູ້ວ່າ ຕົ້ນເດືອນມິຖຸນາ ຜ່ານມາ, ການນໍາຫວຽດນາມ ໄດ້ອະນຸມັດຜ່ານແຜນການປະຕິບັດສັນຍາກ່ຽວກັບມາດຕະການແຫ່ງຊາດທີ່ມີທ່າກໍ່າປັ່ນ ແນໃສ່່ປ້ອງກັນ, ສະກັດກັ້ນ ແລະ ລົບລ້າງການຫາປາຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກໍານົດຂອງອົງການອາຫານ ແລະ ການກະເສດ ສປຊ (FAO) ຮອດປີ 2025. ຫວຽດນາມ ໄດ້ຍູ້ແຮງຄວາມມານະພະຍາຍາມສະກັດກັ້ນຕ້ານຄືນການເຄື່ອນໄຫວຫາປາຢ່າງຜິດກົດໝາຍ, ບໍ່ລາຍງານ ແລະ ບໍ່ໄດ້ຮັບການຄວບຄຸມ ນັບແຕ່ຂັ້ນທ້ອງຖິ່ນຕະຫຼອດຮອດຂັ້ນສູນກາງ ແລະ ການຮ່ວມມືສາກົນ.

ບົດຂຽນດັ່ງກ່າວ ກໍໄດ້ເຕື້ອງເຖິງສອງແຜນການໃໝ່ໃນຄວາມມານະພະຍາຍາມ ຂອງຫວຽດນາມ IUU ໃນການ ຍົກເລີດ IUU ນັ້ນແມ່ນ ແຜນການກະທໍາແຫ່ງຊາດ ກ່ຽວກັບການຄຸ້ມຄອງຂີ້ເຫຍື້ອພະລາດສະຕິກຢູ່ມະຫາສະໝຸດ ຮອດປີ 2030 ແລະ ແຜນການ 5 ປີ ດ້ວຍເປົ້າໝາຍຄວບຄຸມ ແລະ ສະກັດກັ້ນບັນດາການເຄື່ອນໄຫວຫາປາຢ່າງຜິດກົດໝາຍ, ບໍ່ລາຍງານ ແລະ ບໍ່ໄດ້ຮັບການຄວບຄຸມ ແລະ ເລື່ອງກໍ່າປັ່ນຫາປາຊອກຫາວິທີເຂົ້າທຽບທ່າ ແລະ ນໍາໃຊ້ບັນດາທ່າກໍ່າປັ່ນຂອງຫວຽດນາມ ເພື່ອສົ່ງຕໍ່ສິນທະເລ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.