16/10/2021 08:48 GMT+7 Email Print Like 0

ເລຂາຄະນະພັກນະຄອນຮ່າໂນ້ຍ: ປະຕິບັດສະພາບປົກກະຕິໃໝ່ ເມື່ອຄວບຄຸມໂລກລະບາດໂຄວິດ - 19 ໄດ້ແລ້ວ

      ທ່ານ ດິງຕຽນຢຸງ ເນັ້ນໜັກເຖິງຄວາມສຳຄັນຕ້ອງຍູ້ແຮງການຟື້ນຟູ, ພັດທະນາເສດຖະກິດຢ່າງແຮງ ແລະ ໃຫ້ຮູ້ວ່າ ນະຄອນຈະຈັດກອງປະຊຸມສົນທະນາ ກັບວິສາຫະກິດ ເພື່ອແກ້ໄຂຄວາມຫຍຸ້ງຍາກ.
ທ່ານ ດິງຕຽນຢຸງ ເລຂາຄະນະພັກ, ຫົວໜ້າຄະນະສະມາຊິກສະພາແຫ່ງຊາດ ນະນອນຮ່າໂນ້ຍ
(ພາບ: baochinhphu.vn)
      ຮ່າໂນ້ຍຕັດສິນໃຈປະຕິບັດການຊີ້ນຳຂອງ ສູນກາງພັກ ກ່ຽວກັບການສ້າງສະພາບປົກກະຕິໃໝ່ ຢ່າງ ເຂັ້ມງວດ ແລະ ມີປະສິດທິຜົນພາຍຫຼັງຄວບຄຸມໂລກລະບາດໂຄວິດ - 19 ໄດ້, ນະຄອນຈະປະຕິບັດເທື່ອລະກ້າວ, ມີຄວາມລະມັດລະວັງ ບົນຈິດໃຈການກັບມາເຄື່ອນໄຫວຄືນໃໝ່ເປີດຄືນຢ່າງມີລະບຽບຮຽບຮ້ອຍ, ມີຫຼັກການເພື່ອປົກປ້ອງຄວາມປອດໄພໃຫ້ແກ່ນະຄອນ ແລະ ຟື້ນຟູການພັດທະນາເສດຖະກິດ, ສັງຄົມ. ນັ້ນແມ່ນຄຳຢັ້ງຢືນຂອງ ທ່ານ ດິງຕຽນຢຸງ ເລຂາຄະນະພັກ, ຫົວໜ້າຄະນະສະມາຊິກສະພາແຫ່ງຊາດ ນະນອນຮ່າໂນ້ຍ ໃນການເຮັດວຽກ ລະຫວ່າງ ຄະນະສະມາຊິກສະພາແຫ່ງຊາດນະຄອນຮ່າໂນ້ຍ ກັບອົງການຕ່າງໆຂອງນະຄອນ ກ່ອນການຈັດກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ XV ທີ່ດຳເນີນໃນວັນທີ 14 ຕຸລາ.
ທ່ານ ດິງຕຽນຢຸງ ເນັ້ນໜັກເຖິງຄວາມສຳຄັນຕ້ອງຍູ້ແຮງການຟື້ນຟູ, ພັດທະນາເສດຖະກິດຢ່າງແຮງ ແລະ ໃຫ້ຮູ້ວ່າ ນະຄອນຈະຈັດກອງປະຊຸມສົນທະນາ ກັບວິສາຫະກິດ ເພື່ອແກ້ໄຂຄວາມຫຍຸ້ງຍາກ. ທ່ານກ່າວວ່າ:
      ພວກຂ້າພະເຈົ້າສືບຕໍ່ກຳໄດ້ຜົນກະທົບ, ສະພາບຄວາມຫຍຸ້ງຍາກຂອງ ວິສາຫະກິດ, ປະຊາຊົນ, ແຕ່ລະຕາແສງ, ເທດສະບານ, ເມືອງ ຢ່າງຄົບຖ້ວນ, ຮອບດ້ານ ແລະ ເລິກເຊິ່ງ ເພື່ອສ້າງແຜນພັດທະນາເສດຖະກິດ ສັງຄມ, ຜະລິດ, ດຳເນີນທຸລະກິດ ທັງເປັນເຈົ້າການ ປ້ອງກັນ, ຕ້ານໂລກລະບາດ ຢ່າງຖືກຕ້ອງຕາມທິດນຳທີ່ວ່າ “ຮັບມືຢ່າງປອດໄພ, ມີໄຫວພິບ, ຄວບຄຸມໂລກລະບາດໂຄວິດ - 19 ຢ່າງມີປະສິດທິຜົນ” ແລະ ກັບຄືນສູ່ສະພາບປົກກະຕິໃໝ່ໂດຍໄວ.”
(ແຫຼ່ງຄັດຈາກ VOV)