ທ່ານປະທານປະເທດ ຫງວຽນຊວັນຟຸກ ຢືນຢັນວ່າ, ຍາມໃດຫວຽດນາມ ກໍ່ຖືການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດຮອບດ້ານກັບສະຫະພັນລັດເຊຍ ເປັນສຳຄັນ.         ເມື່ອແລກປ່ຽນກ່ຽວກັບບັນດາບັນຫາສາກົນ ແລະ ພາກພື້ນ, ການນຳ 2 ທ່ານຢືນຢັນສືບຕໍ່ສົມທົບກັນຢ່າງແໜ້ນແຟ້ນ ແລະ ມີປະສິດທິຜົນຢູ່ບັນດາເວທີປາໄສພາກພື້ນ, ໃນນັ້ນເຫັນດີແກ້ໄຂບັນດາການຂັດແຍ້ງກັນຢູ່ທະເລຕາເວັນອອກ ໂດຍສັນຕິວິທີ, ບົນພື້ນຖານເຄົາລົບກົດໝາຍສາກົນ. ທ່ານປະທານປະເທດ ຫງວຽນຊວັນຟຸກ ຢືນຢັນວ່າ, ຍາມໃດ ຫວຽດນາມ ກໍ່ຊົມເຊີຍ ແລະ ພ້ອມແລ້ວທີ່ຈະເປັນຂົວເຊື່ອມຕໍ່ເພື່ອໃຫ້ລັດເຊຍ ເປີດກວ້າງການຮ່ວມມືກັບ ອາຊຽນ ແລະ ພາກພື້ນອາຊີ - ປາຊີຟິກ.
        ເນື່ອງໃນໂອກາດນີ້, ທ່ານປະທານາທິບໍດີລັດເຊຍ ໄດ້ເຊື້ອເຊີນທ່ານປະທານປະເທດ ຫງວຽນຊວັນຟຸກ ມາຢ້ຽມຢາມສະຫະພັນລັດເຊຍ ຢ່າງເປັນທາງການ. ທ່ານປະທານປະເທດ ຫງວຽນຊວັນຟຸກ ໄດ້ຮັບຄຳເຊື້ອເຊີນ ແລະ ປາດຖະໜາວ່າຈະໄດ້ຮັບທ່ານປະທານາທິບໍດີ Putin ມາຢ້ຽມຢາມ ຫວຽດນາມ ຢ່າງເປັນທາງການ.