ວັນທີ 24 ຕຸລາ 2017, ຢູ່ສຳນັກງານກະຊວງການຕ່າງປະເທດ ຫວຽດນາມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບິ່ງມິງ ໄດ້ຕ້ອນຮັບ ທ່ານ Alaeddin Boroijerdi, ຫົວໜ້າກຳມາທິການນະໂຍບາຍການຕ່າງປະເທດ ແລະ ປ້ອງກັນຄວາມສະຫງົບແຫ່ງຊາດ, ສະພາແຫ່ງຊາດອີລານ, ປະທານກຸ່ມສະມາຊິກສະພາແຫ່ງຊາດມິດຕະພາບ ຫວຽດນາມ-ອີລານ
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ
ທ່ານ Alaeddin Boroijerdi
(ພາບ: baoquocte.vn)
ເນື່ອງໃນໂອກາດເດີນທາງມາຢ້ຽມຢາມ ຫວຽດນາມ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ໄດ້ສະເໜີວ່າ ບົນພື້ນຖານການພົວພັນດ້ານການເມືອງອັນດີງາມ ທີ່ມີມາແລ້ວນັ້ນ, ສອງປະເທດຄວນສຸມໃສ່ຊຸກຍູ້ການຮ່ວມມືດ້ານເສດຖະກິດ, ການຄ້າ ເພື່ອແນໃສ່ນຳວົງເງິນການຄ້າສອງຝ່າຍໃຫ້ບັນລຸລະດັບ 2 ຕື້ໂດລາສະຫະລັດ ກໍ່ຄືການນຳຂັ້ນສູງຂອງສອງປະເທດໄດ້ເຫັນດີເປັນເອກະພາບນຳກັນ. ສ່ວນ, ທ່ານ Alaeddin Boroijerdi ຢັ້ງຢືນວ່າ ຫວຽດນາມ ແມ່ນຄູ່ຮ່ວມມືສຳຄັນຂອງ ອີລານ ຢູ່ພາກພື້ນອາຊີຕາເວັນອອກສ່ຽງໃຕ້ ແລະ ອາຊີ ແລະ ເຊື່ອໝັ້ນວ່າ ການພົວພັນລະຫວ່າງສອງປະເທດຈະສືບຕໍ່ໄດ້ຮັບການເພີ່ມພູນຄູນສ້າງ ແລະ ພັດທະນາ ໃນໄລຍະຈະມາເຖິງ, ເພື່ອຕອບສະໜອງຄວາມມຸ່ງມາດປາຖະໜາ ແລະ ຜົນປະໂຫຍດຂອງປະຊາຊົນສອງປະເທດ. ທ່ານ Alaeddin Boroijerdi ກໍ່ຖືວ່າ ສອງຝ່າຍຄວນສ້າງເງື່ອນໄຂຊຸກຍູ້ການຮ່ວມມືດ້ານເສດຖະກິດ, ສົ່ງເສີມ, ສ້າງຄວາມສະດວກໃຫ້ບັນດາວິສາຫະກິດສອງຝ່າຍໄດ້ລົງທຶນ, ດຳເນີນທຸລະກິດຢູ່ຕະຫຼາດຂອງກັນ ແລະ ກັນ ໃຫ້ດີກວ່າອີກ.
(ແຫຼ່ງຄັດຈາກ VOV)
