ເປີດສະຫຼອງສູນສື່ມວນຊົນຮັບໃຊ້ກອງປະຊຸມໃຫຍ່ຄັ້ງທີ XIII ຂອງພັກ
ຕອນບ່າຍວັນທີ 22 ມັງກອນ ໄດ້ດຳເນີນພິທີເປີດສະຫຼອງສູນສື່ມວນຊົນຮັບໃຊ້ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກກອມມູນິດ ຫວຽດນາມ. ເຂົ້າຮ່ວມພິທີດັ່ງກ່າວ ມີບັນດານັກຂ່າວ ຫວຽດນາມ, ນັກຂ່າວຕ່າງປະເທດປະຈຳ ຫວຽດນາມ ເປັນຈຳນວນຫລວງຫລາຍ.
ພິທີເປີດສະຫຼອງສູນສື່ມວນຊົນຮັບໃຊ້ກອງປະຊຸມໃຫຍ່ຄັ້ງທີ XIII ຂອງພັກ (ພາບ: baoquocte.vn)
ກ່າວຄຳເຫັນທີ່ພິທີເປີດສະຫຼອງ, ທ່ານ ເລແມ້ງຮຸ່ງ, ຮອງຫົວໜ້າຄະນະໂຄສະນາສຶກສາສູນກາງພັກ, ຫົວໜ້າສູນສື່ມວນຊົນກອງປະຊຸມໃຫຍ່ຄັ້ງທີ XIII ໃຫ້ຮູ້ວ່າ: ເລື່ອງເປີດສະຫຼອງສູນສື່ມວນຊົນໃນວັນທີ 22 ມັງກອນ ກໍ່ເປັນການປະກອບສ່ວນສຳຄັນ ເພື່ອໂຄສະນາບັນດາເນື້ອໃນຂອງກອງປະຊຸມໃຫຍ່. ທາງສູນຮັບປະກັນເງືຶ່ອນໄຂການເຮັດວຽກ ແລະ ອຸປະກອນການເຮັດວຽກໃຫ້ແກ່ນັກຂ່າວທັງພາຍໃນ ແລະ ຕ່າງປະເທດທີ່ມາຕິດຕາມ ແລະ ໃຫ້ຂ່າວກ່ຽວກັບກອງປະຊຸມໃຫຍ່.
ແລະກໍ່ໃນວັນທີ 22 ມັງກອນ, ໄດ້ດຳເນີນພິທີເປີດງານວາງສະແດງປຶ້ມ, ໜັງສືພິມດີເດັ່ນກ່ວາ 2000 ສະບັບ ໄດ້ແນະນຳຕາມ 5 ຫົວຂໍ້. ເນື່ອງໃນໂອກາດນີ້, ກໍ່ໄດ້ຈຳໜ່າຍຊຸດສະແຕມ “ຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມ”.
(ແຫຼ່ງຄັດຈາກ VOV)