ພາບປະກອບ
ແຕ່ວັນທີ 3 – 4/8, ຈີນ ແລະ ອາເມລິກາ ໄດ້ດຳເນີນຮອບເຈລະຈາທຳອິດກ່ຽວກັບນິຕິກຳຢູ່ນະຄອນຫຼວງ ປັກກິ່ງ, ດ້ວຍການເຂົ້າຮ່ວມຂອງເຈົ້າໜ້າທີ, ຜູ້ພິພາກສາ ແລະ ນັກຊ່ຽວຊານດ້ານກົດໝາຍ 30 ທ່ານມາຈາກ 2 ປະເທດ. ຝ່າຍຈີນ ໃຫ້ຮູ້ວ່າ: 2 ຝ່າຍເຫັນດີເປັນເອກະສັນນຳກັນວ່າການເຈລະຈານີ້ແມ່ນສ່ວນໜຶ່ງທີ່ສຳຄັນຂອງຄວາມເຫັນດີເຫັນພ້ອມທີ່ບັນລຸໄດ້ລະຫວ່າງບັນດາການນຳ 2 ປະເທດ. ການເຈລະຈາສຸມໃສ່ເຂົ້າໃນການປະຕິຮູບ ແລະ ການເຕີບໂຕດ້ານເສດຖະກິດ, ບັນດາຄະດີການຄ້າ, ສະພາບຕົວຈິງ ແລະ ການທ້າທາຍ. ຕາມແຜນການແລ້ວ, ຮອບເຈລະຈາຄັ້ງທີ 2 ຈະໄດ້ຮັບການຈັດຕັ້ງໃນປີ 2017 ຢູ່ວໍຊິງຕັນ.
(ແຫຼ່ງຄັດຈາກ VOV)
