ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມ, ຫົວໜ້າ SOM ອາຊຽນ ຫວຽດນາມ  (ພາບ: TTXVN)

ກ່າວຄຳເຫັນທີ່ກອງປະຊຸມ, ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມ, ຫົວໜ້າ SOM ອາຊຽນ ຫວຽດນາມ ໃຫ້ຮູ້ວ່າ ກອງປະຊຸມຄັ້ງນີ້ມີຄວາມໝາຍສຳຄັນ, ເພື່ອແນໃສ່ມານະພະຍາຍາມກະກຽມໃຫ້ແກ່ບັນດາເຫດການຂັ້ນລັດຖະມົນຕີເຊິ່ງຈະໄດ້ຈັດຂຶ້ນໃນເດືອນສິງຫາຈະມາເຖິງນີ້. ຕາມທ່ານຫງວຽນກ໊ວກຢຸງແລ້ວ, ກອງປະຊຸມຄັ້ງນີ້ແມ່ນກາລະໂອກາດເພື່ອໃຫ້ຜູ້ຕາງໜ້າບັນດາປະເທດ ໄດ້ປຶກສາຫາລືກ່ຽວກັບບັນດາບັນຫາສຳຄັນອື່ນຄືສືບຕໍ່ຜັນຂະຫຍາຍບັນດາວຽກງານ, ແຜນການສ້າງປະຊາຄົມອາຊຽນ, ຫັນບັນດາຄຳໝັ້ນສັນຍາທີ່ບັນລຸໄດ້ໃນກອງປະຊຸມສຸດຍອດອາຊຽນຄັ້ງທີ 36 ທີ່ຫາກໍ່ດຳເນີນກໍ່ຄືກອງປະຊຸມສຸດຍອດພິເສດກ່ຽວກັບການຮັບມືກັບໂລກລະບາດ Covid – 19 ໃຫ້ປະກົດຜົນເປັນຈິງ; ພ້ອມທັງເພີ່ມທະວີປະສິດທິຜົນຂອງບັນດາກົນໄກເຈລະຈາ, ຮ່ວມມື ກັບບັນດາຄູ່ຮ່ວມມືພາຍນອກຂອງອາຊຽນ.

        ທີ່ກອງປະຊຸມ, ຜູ້ຕາງໜ້າບັນດາປະເທດອາຊຽນ ແລະ ຄະນະເລຂາທິການອາຊຽນໄດ້ຕີລາຄາສູງຕໍ່ເລື່ອງຫວຽດນາມຈັດຕັ້ງກອງປະຊຸມສຸດຍອດອາຊຽນຄັ້ງທີ 36 ກໍ່ຄືບັນດາຂໍ້ລິເລີ່ມໃນຂົງເຂດຮັບມືກັບໂລກລະບາດ Covid – 19ໄດ້ຢ່າງສຳເລັດຜົນ.

(ແຫຼ່ງຄັດຈາກ VOV)