ເຂົ້າສານຫອມງວດທຳອິດຂອງ ຫວຽດນາມ ໄດ້ສົ່ງອອກຂາຍໃຫ້ຕະຫຼາດ ອັງກິດ ຕາມສັນຍາການຄ້າເສລີ ອັງກິດ - ຫວຽດນາມ (UKVFTA) ແລະ ໄດ້ວາງຂາຍໃນຕະຫຼາດ ລອນດອນໃນວັນທີ 26 ມັງກອນ. ປັດຈຸບັນ, ອັງກິດ ພວມຈັດວາງອັດຕາພາສີນຳເຂົ້າເຂົ້າສານຫອມຂອງ ຫວຽດນາມ (Jasmin) ດ້ວຍອັດຕາ 17,4%, ເຖິງຢ່າງໃດກໍຕາມ, ຕາມສັນຍາ UKVFTA ແລ້ວ, ເຂົ້າສານຫອມຂອງ ຫວຽດນາມ ມີຄຸນນະພາບສູງ, ເມື່ອນຳເຂົ້າຕະຫຼາດ ອັງກິດ ຈະໄດ້ຍົກເວັ້ນພາສີ, ນີ້ແມ່ນສິ່ງທີ່ເຮັດໃຫ້ເຂົ້າສານ ຫວຽດນາມ ມີກຳລັງແກ້ງແຍ້ງທີ່ດີກວ່າເມື່ອທຽບໃສ່ປະເທດອື່ນໆ ທີ່ສົ່ງອອກເຂົ້າສານຫອມໄປຍັງ ອັງກິດ. ຕາມທ່ານ ຫງວຽນແກ໋ງເກື່ອງ ທູດການຄ້າ ຫວຽດນາມ ປະຈຳ ອັງກິດ ແລ້ວ, ຍ້ອນມີ ສັນຍາ UKVFTA, ສະນັ້ນ, ການສົ່ງອອກເຂົ້າສານຫອມຂອງ ຫວຽດນາມ ທີ່ມີຄຸນນະພາບສູງ ໄປຍັງຕະຫຼາດ ອັງກິດ ໃນປີ 2021 ຈະເພີ່ມຂຶ້ນຢ່າງແຮງ.
(ແຫຼ່ງຄັດຈາກ VOV)
