ທ່ານຮອງນາຍົກລັດຖະມົນຕີຫວຽດນາມຟ້າມບິງມິງເປັນປະທານກອງປະຊຸມ

(ພາບ:Thoibaotaichinhvietnam.vn)

      ເມື່ອສະຫຼຸບກອງປະຊຸມ, ທ່ານຮອງນາຍົກລັດຖະມົນຕີ ຟ້າມບິງມິງ, ຫົວໜ້າຄະນະຊີ້ນຳແຫ່ງຊາດ ກ່ຽວກັບ ODA ແລະ ທຶນກູ້ຢືມບຸລິມະສິດ, ປະກອບຄຳເຫັນສຳລັບແຕ່ລະໂຄງການ; ພ້ອມທັງມອບໃຫ້ທະນາຄານແຫ່ງລັດສັງລວມຄຳເຫັນຈາກບັນດາກະຊວງ, ຂະແໜງການ ແລະ ທ້ອງຖິ່ນ, ເພື່ອສະເໜີໃຫ້ຂັ້ນມີສິດອຳນາດພິຈາລະນາ, ຕັດສິນສຳລັບບັນດາໂຄງການສືບຕໍ່ຜັນຂະຫຍາຍ. ກະຊວງແຜນການ ແລະ ການລົງທຶນໄດ້ສະຫຼຸບບັນດາໂຄງການນຳໃຊ້ທຶນກູ້ຢືມຈາກຕ່າງປະເທດ ທີ່ໄດ້ຮັບການອະນຸມັດຜ່ານ ແຕ່ຍັງບໍ່ທັນມີແຜນການລົງທຶນສາທາລະນະໄລຍະກາງ ເພື່ອຮັບປະກັນໃຫ້ບັນດາໂຄງການດັ່ງກ່າວ ໄດ້ຜັນຂະຫຍາຍໂດຍໄວ ແນໃສ່ບັນລຸປະສິດທິຜົນສູງສຸດໃນການນຳໃຊ້ທຶນກູ້ຢືມ ເຊິ່ງຫວຽດນາມຕ້ອງຈ່າຍດອກເບ້ຍ ພາຍຫຼັງບັນດາສັນຍາກູ້ຢືມມີຜົນສັກສິດ. ພິເສດ, ທ່ານຮອງນາຍົກລັດຖະມົນຕີ ຟ້າມບິງມິງ ມອບໝາຍໃຫ້ກະຊວງແຜນການ ແລະ ການລົງທຶນເປັນປະທານ, ລາຍງານໃຫ້ຄະນະປະຈຳລັດຖະບານກ່ຽວກັບການກຳນົດທິດໃນການລະດົມ, ນຳໃຊ້ບັນດາແຫຼ່ງທຶນໃນໄລຍະຈະມາເຖິງໂດຍໄວ, ໂດຍສະເພາະແມ່ນແຫຼ່ງທຶນກູ້ຢືມໃຫ້ບຸລິມະສິດບໍ່ເຕັມຮ້ອຍ.

 (ແຫຼ່ງຄັດຈາກ VOV)