ຕອນເຊົ້າວັນທີ 05 ມິຖຸນາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ເຂົ້າຮ່ວມການພົບປະໂຕະມົນວິສາຫະກິດອິນເດຍ, ໂດຍສະຫະພັນບັນດາຫ້ອງການການຄ້າ ແລະ ອຸດສາຫະກຳອິນເດຍ ສົມທົບກັບສະຖານທູດຫວຽດນາມ ປະຈຳອິນເດຍ ຈັດຕັ້ງຢູ່ນະຄອນຫຼວງ New Delhi.

ການພົບປະໂຕະມົນວິສາຫະກິດອິນເດຍ
(ພາບ: TTXVN)

      ກ່າວຄຳເຫັນຢູ່ທີ່ນີ້, ທ່ານຮອງນາຍົກລັດຖະມົນຕີ ຟ້າມບິ່ງມິງ ຢືນຢັນວ່າ, ຫວຽດນາມ ພວມມານະພະຍາຍາມສ້າງຕັ້ງສະພາບແວດລ້ອມແຫ່ງການລົງທຶນ, ດຳເນີນທຸລະກິດທີ່ສະດວກໃຫ້ແກ່ບັນດາວິສາຫະກິດຕ່າງປະເທດ, ໃນນັ້ນມີວິສາຫະກິດອິນເດີຍ. ລັດຖະບານຫວຽດນາມ ໃຫ້ຄຳໝັ້ນສັນຍາຊຸກຍູ້ການປະຕິຮູບ, ສ້າງລະບົບກົດໝາຍ, ນະໂຍບາຍໃຫ້ສົມບູນແບບ ຕາມທິດສະເໝີຕົ້ນສະເໝີປາຍ, ກະຈ່າງແຈ້ງ ແລະ ມີການຄາດຄະເນ, ພິເສດຖືເປັນສຳຄັນຂົງເຂດວິສາຫະກິດພາກເອກະຊົນ ແລະ ການລົງທຶນຕ່າງປະເທດ, ມີບັນດາແຜນນະໂຍບາຍສົ່ງເສີມການລົງທຶນເຂົ້າຂົງເຂດເຊິ່ງຫວຽດນາມ ມີຄວາມຕ້ອງການສູງ.

 (ແຫຼ່ງຄັດຈາກ VOV)