ທ່ານ Paolo Gentiloni ກຳມະການຮັບຜິດຊອບດ້ານເສດຖະກິດຂອງ ສະຫະພາບເອີຣົບ(ພາບ:TTXVN)
ວັນທີ 18 ພະຈິກ, ທ່ານ Paolo Gentiloni ກຳມະການຮັບຜິດຊອບດ້ານເສດຖະກິດຂອງ ສະຫະພາບເອີຣົບ (ອີຢູ) ຮຽກຮ້ອງໃຫ້ບັນດາປະເທດສະມາຊິກສະໜັບສະໜູນແຜນງົບປະມານ ແລະ ບ້ວງເງິນຟື້ນຟູເສດຖະກິດ ລວມມູນຄ່າ 1.800 ຕື້ ເອີໂຣ ເພື່ອແນໃສ່ໜູນຊ່ວຍບັນດາປະເທດສະມາຊິກທີ່ຖືກຜົນສະທ້ອນຈາກໂລກລະບາດໂຄວິດ - 19. ທ່ານ Paolo Gentiloni ໄດ້ຍົກອອກຄຳຮຽກຮ້ອງດັ່ງກ່າວ ພາຍຫຼັງທີ່ ຮຸງກາຣີ ແລະ ໂປໂລ່ຍ ໄດ້ປະຕິເສດຕໍ່ແຜນງົບປະມານດັ່ງກ່າວ.
ກ່ອນໜ້ານັ້ນ, ທັງການນຳ ຮຸງກາຣີ ແລະ ໂປໂລ່ຍລັງ ລ້ວນແຕ່ຝາກຈົດໝາຍເຖິງ ໄປຍັງ ເຢຍລະມັນ - ເຊິ່ງເປັນປະເທດປະທານ ໝູນວຽນ ອີຢູ ພ້ອມດ້ວຍການນຳບັນດາປະເທດອື່ນ ຂອງ ອີຢູ, ໂດຍກ່າວເຕືອນວ່າຈະຢັບຢັ້ງແຜນງົບປະມານຂອງ ອີຢູ ຖ້າຫາກວ່າ ການປ່ອຍເງິນໃຫ້ບັນດາປະເທດສະມາຊິກ ໄດ້ກ່ຽວພັນກັບຂໍ້ກຳນົດປະຕິບັດຫຼັກການອຳນາດນິຕິບັນຍັດ. ວັນທີ 17 ພະຈິກ, ທ່ານນາຍົກລັດຖະມົນຕີ ສະໂລວາເນຍ Janez Jansa ກໍໄດ້ສະແດງການສະໜັບສະໜູນຕໍ່ທັດສະນະດັ່ງກ່າວ.
(ແຫຼ່ງຄັດຈາກ VOV)
