27/05/2019 11:44 GMT+7 Email Print Like 0

ອິນໂດເນເຊຍ ຍົກເລີກການຈຳກັດສິດເປີດຊົມສື່ສັງຄົມອອກລາຍ

      ວັນທີ 25 ພຶດສະພາ, ອິນໂດເນເຊຍ ໄດ້ຍົກເລີກການຈຳກັດສິດເປີດຊົມສື່ສັງຄົມອອກລາຍໂດຍຊົ່ວຄາວ ເຊິ່ງໄດ້ຈັດວາງກ່ອນໜ້ານັ້ນເປັນເວລາ 2 - 3 ວັນ
      ເພື່ອແນໃສ່ສະກັດກັ້ນການແຜ່ລາມບັນດາຂໍ້ມູນຂ່າວສານບໍ່ມີຄວາມຈິງ ໃນໄລຍະເກີດບັນດາການໃຊ້ຄວາມຮຸນແຮງ ພາຍຫຼັງໝາກຜົນການປ່ອນບັດເລືອກຕັ້ງປະທານາທິບໍດີ 2019 ຢູ່ອິນໂດເນເຊຍ ໄດ້ປະກາດ. ກ່າວຄຳເຫັນທີ່ກອງປະຊຸມຖະແຫຼງຂ່າວ, ທ່ານ Semuel Abrijani Pangerapan, ເຈົ້າໜ້າທີ່ຂັ້ນສູງຂຶ້ນກັບກະຊວງຖະແຫຼງຂ່າວອິນໂດເນເຊຍ, ໃຫ້ຮູ້ວ່າ ເລື່ອງເປີດຊົມບັນດາສື່ສັງຄົມອອກລາຍໄດ້ກັບຄືນສູ່ປົກກະຕິ.
        ກ່ອນໜ້ານັ້ນ, ວັນທີ 22 ພຶດສະພາ, ສື່ສັງຄົມຕ່າງໆຄື: WhatsApp, Facebook, Instagram ແລະ Twitter ຢູ່ອິນໂດເນເຊຍ ຖືກປິດການແບ່ງປັນວີດີໂອ ແລະ ພາບຖ່າຍໂດຍກົງຜ່ານອິນເຕີແນັດ.
 (ແຫຼ່ງຄັດຈາກ VOV)