01/11/2020 11:05 GMT+7 Email Print Like 0

ອາເມລິກາ ໜູນຊ່ວຍເງິນ 2 ລ້ານ USD ໃຫ້ຫວຽດນາມຕື່ມອີກເພື່ອຮັບມືກັບ ນ້ຳຖ້ວມ

      ດ້ວຍບ້ວງເງິນນີ້, ອົງການພັດທະນາສາກົນ ອາເມລິກາ (USAID) ຈະເພີ່ມທະວີຄວາມມານະພະຍາຍາມຕອບສະໜອງຄວາມຕ້ອງການດ່ວນ ຂອງບັນດາປະຊາຊົນທີ່ຖືກຜົນສະທ້ອນຈາກ ພາຍຸຄັ້ງປະຫວັດສາດນີ້ ຢູ່ ຫວຽດນາມ. 

ທ່ານ Mike Pompeo ລັດຖະມົນຕີກະຊວງການຕ່າງປະເທດອາເມລິກາ ພົບປະກັບທ່ານນາຍົກລັດຖະມົນຕີ ຫວຽດນາມ
ຫງວຽນຊວັນຟຸກ (ພາບ:
TTXVN) 
      ວັນທີ 31 ຕຸລາ, ສະຖານທູດ ອາເມລິກາ ປະຈຳ ຫວຽດນາມ ໃຫ້ຮູ້ວ່າ: ໃນການຢ້ຽມຢາມ ຫວຽດນາມ (29 – 30 ຕຸລາ), ທ່ານ Mike Pompeo ລັດຖະມົນຕີກະຊວງການຕ່າງປະເທດອາເມລິກາ ໄດ້ປະກາດວ່າ ອາເມລິກາ ຈະສະໜອງ ເງິນໜູນຊ່ວຍ ມະນຸດສະທຳທີ່ມີມູນຄ່າ 2 ລ້ານ USD ໃຫ້ ຫວຽດນາມ ຕື່ມອີກເພື່ອຮັບມືກັບພາຍຸ Molave ແລະ ສະພາບການນ້ຳຖ້ວມຢ່າງຮ້າຍແຮງທີ່ ໄດ້ ແລະ ພວມກໍ່ຜົນສະທ້ອນຕໍ່ເຂດພາກກາງ ຫວຽດນາມ ນັບແຕ່ຕົ້ນເດືອນຕຸລາ 2020.
            ດ້ວຍບ້ວງເງິນນີ້, ອົງການພັດທະນາສາກົນ ອາເມລິກາ (USAID) ຈະເພີ່ມທະວີຄວາມມານະພະຍາຍາມຕອບສະໜອງຄວາມຕ້ອງການດ່ວນ ຂອງບັນດາປະຊາຊົນທີ່ຖືກຜົນສະທ້ອນຈາກ ພາຍຸຄັ້ງປະຫວັດສາດນີ້ ຢູ່ ຫວຽດນາມ. ປັດຈຸບັນ, ບັນດາຄູ່ຮ່ວມມືຂອງ USAID, ໃນນັ້ນມີ ສະພາກາແດງ ຫວຽດນາມ, ພວມແກ້ໄຂບັນດາຄວາມຕ້ອງການ ກ່ຽວກັບສະບຽງອາຫານ, ບ່ອນຢູ່ອາໄສ, ນ້ຳສະອາດ…ໃຫ້ແກ່ບັນດາຄອບຄົວທີ່ຖືກຜົນສະທ້ອນຈາກພາຍຸ Molave. ບັນດາຄູ່ຮ່ວມມືຂອງ USAID  ກໍ່ຈະໜູນຊ່ວຍບັນດາຄອບຄົວທີ່ຖືກຜົນສະທ້ອນເມື່ອເຂົາເຈົ້າເລີ່ມຕົ້ນ ຟື້ນຟູການຜະລິດ.
(ແຫຼ່ງຄັດຈາກ VOV)