ທ່ານປະທານາທິບໍດີອາເມລິກາ Donald Trump
(ພາບປະກອບ: Shutterstock)

      ເມື່ອຕອບສຳພາດຕໍ່ນັກຂ່າວໜັງສືພິມ Wall Street Journal, ທ່ານປະທານາທິບໍດີ D.Trump ຢືນຢັນວ່າ “ຍາກ” ທີ່ທ່ານຈະຍອມຮັບຄວາມຮຽກຮ້ອງຂອງຈີນ ໃນເລື່ອງໂຈະການຈັດວາງອັດຕາພາສີສຳລັບສິນຄ້າຂອງຈີນ ເຊິ່ງຄາດວ່າຈະເລີ່ມມີຜົນສັກສິດນັບແຕ່ວັນທີ 01 ມັງກອນ 2019. ທ່ານກ່າວເຕືອນວ່າ, ຖ້າຫາກບັນດາການເຈລະຈາໃນການພົບປະຄັ້ງຈະມາເຖິງລະຫວ່າງທ່ານເອງ ແລະ ທ່ານປະທານປະເທດຈີນ ສີຈີ້ນຜິງ ຢູ່ນອກກອງປະຊຸມກຸ່ມບັນດາພື້ນຖານເສດຖະກິດພວມພັດທະນາ ແລະ ຫາກໍ່ພົ້ນເດັ່ນ (G20) ບໍ່ໄດ້ຮັບຜົນສຳເລັດ, ທ່ານຈະຈັດວາງອັດຕາພາລີ 10% ຫຼື 25% ໃສ່ບ້ວງສິນຄ້າທີ່ມີມູນຄ່າ 267 ຕື້ USD ທີ່ຍັງເຫຼືອຂອງຈີນ. ຕາມນັ້ນແລ້ວ, ບັນດາລະດັບພາສີໃໝ່ຈະໄດ້ຈັດວາງຕໍ່ບັນດາສິນຄ້າຄື: ຄອມພິວເຕີ notebook, ໂທລະສັບມືຖື iPhone ຂອງບໍລິສັດ Apple ທີ່ນຳເຂົ້າຈາກຈີນ.

 (ແຫຼ່ງຄັດຈາກ VOV)