22/10/2020 14:34 GMT+7 Email Print Like 0

ອາຊຽນ ແລະ ບັນດາອົງການຮ່ວມສຳພັນກັນເພີ່ມທະວີການຮ່ວມມື

ບັນດາຜູ້ແທນໄດ້ຊອກຮູ້ກ່ຽວກັບຜົນກະທົບຂອງໂລກລະບາດໂຄວິດ-19 ຢູ່ພາກພື້ນ ແລະ ບັນດາປະຕິກິລິຍາຂອງອາຊຽນ, ພິເສດແມ່ນວິທີການຮ່ວມມືລະຫວ່າງບັນດາປະເທດສະມາຊິກອາຊຽນ.


ທ່ານເລຂາທິການໃຫຍ່ອາຊຽນ Lim Jock Hoi

(ພາບ: baoquocte.vn)


ວັນທີ 20 ຕຸລາ, ຄະນະເລຂາອາຊຽນ ໄດ້ຈັດເວທີປາໄສບັນດາອົງການຮ່ວມສຳພັນກັນເພີ່ມທະວີກັບອາຊຽນ ຄັ້ງທີ 4 ທາງອອນລາຍ, ມີຜູ້ແທນປະມານ 150 ທ່ານທີ່ຕາງໜ້າໃຫ້ບັນດາສະມາຊິກລັດຖະສະພາ, ຊາວໜຸ່ມ, ອົງການຈັດຕັ້ງສັງຄົມ, ສະມາຄົມດຳເນີນທຸລະກິດ ແລະ ວິຊາຊີບອາຊຽນ… ເຂົ້າຮ່ວມ.

        ທີ່ເວທີປາໄສ, ບັນດາຜູ້ແທນໄດ້ຊອກຮູ້ກ່ຽວກັບຜົນກະທົບຂອງໂລກລະບາດໂຄວິດ-19 ຢູ່ພາກພື້ນ ແລະ ບັນດາປະຕິກິລິຍາຂອງອາຊຽນ, ພິເສດແມ່ນວິທີການຮ່ວມມືລະຫວ່າງບັນດາປະເທດສະມາຊິກອາຊຽນ ເພື່ອແນໃສ່ສ້າງກອບຟື້ນຟູພາຍຫຼັງໂລກລະບາດ. ບັນດາຜູ້ແທນກໍ່ໄດ້ປຶກສາຫາລື, ແບ່ງປັນທັດສະນະກ່ຽວກັບວິວັດທະນາການຜັນຂະຫຍາຍວິໄສທັດອາຊຽນ 2025.

        ກ່າວຄຳເຫັນທີ່ເວທີປາໄສ, ທ່ານ Michael Tene, ຮອງເລຂາທິການໃຫຍ່ອາຊຽນ ຮັບຜິດຊອບບັນດາບັນຫາປະຊາຄົມ ແລະ ວິສາຫະກິດ ໄດ້ຮຽກຮ້ອງໃຫ້ອາຊຽນ ແລະ ບັນດາອົງການຮ່ວມສຳພັນເພີ່ມທະວີການຮ່ວມມື ເພື່ອແນໃສ່ບັນລຸໄດ້ວິໄສທັດອາຊຽນ 2025, ພ້ອມທັງປະກອບສ່ວນເຂົ້າໃນບັນດາຄວາມມານະພະຍາຍາມລວມ ເພື່ອແນໃສ່ຮັບປະກັນສັນຕິພາບ, ສະຖຽນລະພາບ ແລະ ຄວາມວັດທະນາຖາວອນຢູ່ພາກພື້ນ.

(ແຫຼ່ງຄັດຈາກ VOV)