ອັດກອງປະຊຸມສຸດຍອດ ASEM 12 (ພາບ: EPA/TTXVN)
ກອງປະຊຸມໄດ້ຮັບຮອງເອົາຖະແຫຼງການປະທານ ໂດຍຢັ້ງຢືນເຖິງຄວາມຕັດສິນໃຈຂອງບັນດາສະມາຊິກ ASEM ເພີ່ມທະວີການພົວພັນຄູ່ຮ່ວມມື ອາຊີ - ເອີຣົບ ແນໃສ່ຮັບມືຕໍ່ບັນດາສິ່ງທ້າທາຍທົ່ວໂລກ, ພ້ອມທັງ ວາງອອກບັນດາການກຳນົດທິດຍົກລະດັບການຮ່ວມມື ASEM ໃນໄລຍະຈະມາເຖິງ.
ກ່ອນໜ້ານັ້ນ, ໃນຕອນທ່ຽງຂອງວັນດຽວກັນ, ບັນດາການນຳ ASEM ໄດ້ດຳເນີນກອງປະຊຸມສະເພາະກ່ຽວກັບ “ບັນດາບັນຫາສາກົນ ແລະ ພາກພື້ນ”, ສຸມໃສ່ແລກປ່ຽນບັນດາບັນຫາທີ່ກ່ຽວຂ້ອງເຖິງສັນຕິພາບ, ຄວາມໝັ້ນຄົງ, ຕ້ານລັດທິກໍ່ການຮ້າຍ, ບໍ່ແຜ່ຂະຫຍາຍອາວຸດລ້າງຜານ, ຄວາມໝັ້ນຄົງໃນການເດີນເຮືອ…ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ເນັ້ນໜັກວ່າ: ຫວຽດນາມ ສະໜັບສະໜູນທຸກຄວາມມານະພະຍາຍາມຂອງປະຊາຄົມສາກົນທີ່ເໝາະສົມກັບກົດບັດສະຫະປະຊາຊາດ ແລະ ກົດໝາຍສາກົນ ເພື່ອຊອກຫາມາດຕະການສັນຕິພາບ ແລະ ໝັ້ນຄົງໃຫ້ແກ່ບັນດາການປະທະກັນ ແລະ ການຂັດແຍ້ງກັນຢູ່ຕາເວັນອອກກາງ, ອາຟຣິກາ, ອາຊີ…
(ແຫຼ່ງຄັດຈາກ VOV)
