ຂ່າວສານ

ຫົວໜ້າຄະນະຂົນຂວາຍປະຊາຊົນສູນກາງ ຢ້ຽມຢາມບັນດາຜູ້ມີຍົດຖາບັນດາສັກຊາວກາໂຕລິກ

11/04/2017

      ຕອນເຊົ້າວັນທີ 10/4, ທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງ ໄດ້ລົງຢ້ຽມຢາມຜູ້ມີຍົດຖາບັນດາສັກຜູ້ດີເດັ່ນຈຳນວນໜຶ່ງໃນສາສະໜາກາໂຕລິກ ແລະ ສາສະໜາ ໂປແຕັສຕັງ ຢູ່ພາກໃຕ້ ເນື່ອງໃນໂອກາດວັນບຸນ Easter 2017. ທີ່ການຕ້ອນຮັບກັບສັງຄະນາຍົກ ບຸ່ຍວັນດອກ, ທ່ານນາງ ເຈືອງທິມາຍ ຫວັງວ່າ ພໍ່ແມ່ຊາວຄຼິດ ເສີມຂະຫຍາຍນ້ຳໃຈສາມັກຄີ, ປະຕິບັດບັນດາຂະບວນການແຂ່ງຂັນຮັກຊາດ, ປະຕິບັດຫຼັກສິນທຳຢູ່ໃນສິນ ກິນໃນທຳ.
        ສ່ວນສັງຄະນາຍົກ ບຸ່ຍວັນດອກ ໃຫ້ຮູ້ວ່າ:
        “ພວກຂ້າພະເຈົ້າປາດຖະໜາວ່າ ການພົວພັນລະຫວ່າງການນຳ ອຳນາດການປົກຄອງກັບບັນດາຜູ້ມີຍົດຖາບັນດາສັກໃນສະມາຄົມ ແລະ ພໍ່ແມ່ຊາວຄຼິດນັບມື້ນັບດີງາມ. ພວກຂ້າພະເຈົ້າຈະຮ່ວມແຮງຮ່ວມໃຈເພື່ອສ້າງສາປະເທດຊາດໃຫ້ພັດທະນາ ແລະ ມີສະຖຽນລະພາບ.”
        ແລະກໍ່ໃນຕອນເຊົ້າວັນທີ 10/4, ທ່ານນາງ ເຈືອງທິມາຍ ໄດ້ໄປຢ້ຽມຢາມທ່ານ ເລດືກທິ້ງ, ຊາວກາໂຕລິກຜູ້ດີເດັ່ນຢູ່ຕາແສງ ເຕີນຮືງ, ເມືອງ 7, ນະຄອນ ໂຮ່ຈີມິນ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.