ຂ່າວສານ
ຫວຽດນາມ ພ້ອມແລ້ວທີ່ຈະໜູນຊ່ວຍການຊຸກຍູ້ການພົວພັນລະຫວ່າງສອງ ສະຫະປະຊາຊາດ ແລະ ອົງການຝລັ່ງໂກໂພນີ
ທ່ານເລຂາທິການໃຫຍ່ອົງການ OIF Louise Mushikiwabo, ທ່ານ Bintou Keita ຜູ້ຊ່ວຍວຽກທ່ານເລຂາທິການໃຫຍ່ ສປຊ ແລະ ທ່ານ Zohrab Mnatsakanyan ລັດຖະມົນຕີກະຊວງການຕ່າງປະເທດ ອາກເມເນຍ ທັງເປັນປະທານກອງປະຊຸມລັດຖະມົນຕີບັນດາປະເທດນຳໃຊ້ພາສາຝລັ່ງ ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມ.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ (ພາບ: baoquocte.vn)
ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ສະແດງຄວາມຊົມເຊີຍຕໍ່ການປະກອບສ່ວນຂອງອົງການ OIF ທີ່ມີຕໍ່ວຽກງານຂອງ ສປຊ ເວົ້າລວມ ແລະ ສະພາຄວາມໝັ້ນຄົງ ສປຊ ເວົ້າສະເພາະ, ໂດຍໄດ້ສະແດງອອກຜ່ານການເຂົ້າຮ່ວມຂອງຫຼາຍປະເທດສະມາຊິກ OIF ໃນການເຄື່ອນໄຫວຮັກສາສັນຕິພາບ, ປ້ອງກັນ, ສະກັດກັ້ນການປະທະກັນ ແລະ ຊຸກຍູ້ໂຄງການແມ່ຍິງ, ສັນຕິພາບ ແລະ ຄວາມໝັ້ນຄົງ. ດ້ວຍຖານະເປັນສະມາຊິກຂອງທັງອົງການ OIF ແລະ ສປຊ, ຫວຽດນາມ ພ້ອມແລ້ວທີ່ຈະໜູນຊ່ວຍການຊຸກຍູ້ການພົວພັນລະຫວ່າງສອງອົງການດັ່ງກ່າວ. ທ່ານເອກອັກຄະລັດຖະທູດ ດັ້ງດິ່ງກຸ໊ຍ ສະເໜີໃຫ້ ອົງການ OIF ພ້ອມກັບ ສປຊ ສືບຕໍ່ຊຸກຍູ້ລັດທິຫຼາຍຝ່າຍ, ແກ້ໄຂບັນດາບັນຫາຂັດແຍ້ງກັນໂດຍສັນຕິວິທີໂດຍອີງຕາມລະບຽບກົດໝາຍ, ສວມບົດບາດສະກັດກັ້ນການປະທະກັນ, ເປັນກາງໃນການໄກເກ່ຍ, ຊຸກຍູ້ການຊອກຫາມາດຕະການທາງການເມືອງສຳລັບບັນດາການປະທະກັນ ແລະ ຈັດສົ່ງກຳລັງເຂົ້າຮ່ວມການຮັກສາສັນຕິພາບ ຢູ່ ສປຊ.
(ແຫຼ່ງຄັດຈາກ VOV)
