26/03/2019 09:53 GMT+7 Email Print Like 0

ຫວຽດ​ນາມ ຖື​ເປັນ​ສຳ​ຄັນ​ການ​ພົວ​ພັນຄູ່​ຮ່ວມ​ມື​ຍຸດ​ທະ​ສາດ ກັບ ເຢຍ​ລະ​ມັນ

ເຢຍລະມັນພ້ອມແລ້ວທີ່ຈະຮ່ວມມືກັບ ຫວຽດນາມໃນບັນດາຂົງເຂດທີ່ເປັນທ່າແຮງຂອງ ເຢຍລະມັນ ແລະ ເໝາະສົມກັບບຸລິມະສິດພັດທະນາຂອງ ຫວຽດນາມ.

ທ່ານ ຫງວຽນວັນບີ່ງ ຫົວໜ້າຄະນະເສດຖະກິດສູນກາງ  ແລະ  ທ່ານ Peter Altmaier ລັດຖະມົນຕີ ກະຊວງເສດຖະກິດ ແລະ ພະລັງງານ ເຢຍລະມັນ (ພາບ: TTXVN)

ຕອນບ່າຍວັນທີ 25 ມີນາ, ຢູ່ຮ່າໂນ້ຍ, ທ່ານ ຫງວຽນວັນບີ່ງ, ກຳມະການກົມການເມືອງ, ເລຂາສູນກາງພັກກອມມູນິດ ຫວຽດນາມ, ຫົວໜ້າຄະນະເສດຖະກິດສູນກາງ ໄດ້ໃຫ້ການຕ້ອນຮັບທ່ານ Peter Altmaier , ລັດຖະມົນຕີ ກະຊວງເສດຖະກິດ ແລະ ພະລັງງານ ເຢຍລະມັນ. ທ່ານ ຫງວຽນວັນບີ່ງ ຢັ້ງຢືນວ່າ ຫວຽດນາມ ຖືເປັນສຳຄັນການພົວພັນຄູ່ຮ່ວມມືຍຸດທະສາດກັບເຢຍລະມັນ, ພ້ອມທັງຫວັງວ່າ: ສອງຝ່າຍຈະນັບມື້ນັບຮັດແໜ້ນການພົວພັນຮ່ວມມື, ພິເສດແມ່ນການຮ່ວມມືເສດຖະກິດ, ການຄ້າ ແລະ ການລົງທຶນ.

ສ່ວນທ່ານ Peter Altmaier ໄດ້ຕີລາຄາສູງບັນດາຜົນງານໃນການພັດທະນາເສດຖະກິດ - ສັງຄົມທີ່ ຫວຽດນາມ ບັນລຸໄດ້ໃນໄລຍະທີ່ຜ່ານມາ ແລະ ຢັ້ງຢືນວ່າ ເຢຍລະມັນພ້ອມແລ້ວທີ່ຈະຮ່ວມມືກັບ ຫວຽດນາມໃນບັນດາຂົງເຂດທີ່ເປັນທ່າແຮງຂອງ ເຢຍລະມັນ ແລະ ເໝາະສົມກັບບຸລິມະສິດພັດທະນາຂອງ ຫວຽດນາມຄື: ອຸດສາຫະກຳສະໜັບສະໜູນ, ພື້ນຖານໂຄງລ່າງດ້ານການທ່ອງທ່ຽວ, ການບຳລຸງສ້າງວິຊາຊີບ ແລະ ສິ່ງແວດລ້ອມ.

(ແຫຼ່ງຄັດຈາກ VOV)