ທ່ານ ໂຕແອັງຢຸງ ຮອງລັດຖະມົນຕີ ກະຊວງການຕ່າງປະເທດ ຫວຽດນາມ ໄດ້ເຂົ້າຮ່ວມກອງປະຊຸມປຶກສາຫາລືເປີດທາງອອນລາຍຂອງສະພາຄວາມໝັ້ນຄົງ ສປຊ (ພາບ: baoquocte.vn)

ກ່າວຄຳເຫັນໄຂກອງປະຊຸມ, ທ່ານ Antonio Guterres ໃຫ້ຮູ້ວ່າ: ໂລກລະບາດ Covid – 19 ສືບຕໍ່ສົ່ງຜົນສະທ້ອນຢ່າງເລິກເຊິ່ງຕໍ່ສັນຕິພາບ, ຄວາມໝັ້ນຄົງ ແລະ ເສດຖະກິດ - ສັງຄົມ ໃນທົ່ວໂລກ. ທ່ານ ກໍ່ຮຽກຮ້ອງໃຫ້ປະຊາຄົມສາກົນ ພ້ອມກັນ ຕອບສະໜອງຄຳຮຽກຮ້ອງຢຸດຍິງທົ່ວໂລກ, ເພີ່ມທະວີການຮ່ວມມືເພື່ອແນໃສ່ຮັບມືກັບໂລກລະບາດ ແລະ ບັນດາສິ່ງທ້າທາຍລວມ.

ກ່າວຄຳເຫັນທີ່ກອງປະຊຸມ, ທ່ານ ໂຕແອັງຢຸງ ຮອງລັດຖະມົນຕີກະຊວງການຕ່າງປະເທດ ຫວຽດນາມ ໄດ້ຢັ້ງຢືນເຖິງຄວາມສຳຄັນຂອງການເພີ່ມທະວີການຮ່ວມມືເພື່ອແນໃສ່ຮັບມືກັບໂລກລະບາດ Covid – 19 ແລະ ຟື້ນຟູເສດຖະກິດສັງຄົມແບບຍືນຍົງ, ທ່ານເນັ້ນໜັກວ່າບັນດາອົງການຫຼາຍຝ່າຍພິເສດແມ່ນ ສປຊດ້ວຍບົດບາດເປັນໃຈກາງ, ອາດຈະສວມບົດບາບຫຼັກແຫຼ່ງໃນການປະສານບັນດາຄວາມມານະພະຍາຍາມສາກົນໃນການປ້ອງກັນ, ສະກັດກັ້ນໂລກລະບາດ.

ທ່ານ ໂຕແອັງຢຸງເນັ້ນໜັກວ່າ ຫວຽດນາມ ສະໜັບສະໜູນຄຳຮຽກຮ້ອງຂອງທ່ານເລຂາທິການໃຫຍ່ ສປຊ ກ່ຽວກັບການຍົກເລີກບັນດາຄຳສັ່ງລົງໂທດ ທີ່ມີຜົນສະທ້ອນຕໍ່ຄວາມມານະພະຍາຍາມໃນການຮັບມືກັບໂລກລະບາດ Covid – 19, ທ່ານ ຫວັງວ່າ ສະພາຄວາມໝັ້ນຄົງ ສປຊ ແລະ ບັນດາປະເທດສະມາຊິກຈະມີມາດຕະການທີ່ເໝາະສົມເພື່ອສ້າງເງື່ອນໄຂໜູນຊ່ວຍດ້ານມະນຸດສະທຳໃຫ້ແກ່ບັນດາປະເທດທີ່ພວມຖືກລົງໂທດເພື່ອຜົນປະໂຫຍດຂອງປະຊາຊົນ.

(ແຫຼ່ງຄັດຈາກ VOV)