30/08/2021 23:58 GMT+7 Email Print Like 0

ຫວຽດນາມ ໄດ້ຮັບວັກຊິນກັນພະຍາດໂຄວິດ - 19 ຕື່ມອີກກວ່າ 250.000 ໂດສ

      ກະຊວງສາທາລະນະສຸກ ຫວຽດນາມ ໄດ້ຮັບການຊ່ວຍເຫຼືອລ້າຈາກລັດຖະບານ ສາທາລະນະລັດ ເຊັກໂກ ລວມມີວັກຊິນກັນພະຍາດໂຄວິດ - 19 AstraZeneca 210.000 ໂດສ ແລະ ວັກຊິນ Moderna 40.800 ໂດສ ເຊິ່ງລວມມູນຄ່າເກືອບ 1,3 ລ້ານ USD. 
ພິທີມອບ - ຮັບ (ພາບ: VOV)
      ຕອນເຊົ້າວັນທີ 30 ສິງຫາ, ກະຊວງສາທາລະນະສຸກ ຫວຽດນາມ ໄດ້ຮັບການຊ່ວຍເຫຼືອລ້າຈາກລັດຖະບານ ສາທາລະນະລັດ ເຊັກໂກ ລວມມີວັກຊິນກັນພະຍາດໂຄວິດ - 19 AstraZeneca 210.000 ໂດສ ແລະ ວັກຊິນ Moderna 40.800 ໂດສ ເຊິ່ງລວມມູນຄ່າເກືອບ 1,3 ລ້ານ USD (ເທົ່າກັບປະມານ 30 ຕື້ດົ່ງ).
        ວັກຊິນງວດດັ່ງກ່າວ ໂດຍກຸ່ມບໍລິສັດ UPS ອາເມລິກາ ຊ່ວຍເຫຼືອລ້າ ດ້ວຍການບໍລິການຂົນສົ່ງຈາກສາທາລະນະລັດ ເຊັກໂກ ມາຮອດສະໜາມບິນສາກົນ ໂນ້ຍບາຍ (ຮ່າໂນ້ຍ) ໃນວັນທີ 27 ສິງຫາ. ອີງຕາມສະພາບການຕົວຈິງ, ກະຊວງສາທາລະນະສຸກ ຫວຽດນາມ ໄດ້ຈັດແບ່ງຈຳນວນວັກຊິນດັ່ງກ່າວໃຫ້ແກ່ບັນດາຫົວໜ່ວຍ, ທ້ອງຖິ່ນ ເພື່ອຕອບສະໜອງຕາມຄວາມຕ້ອງການຢ່າງຮີບດ່ວນໃນການຕ້ານໂລກລະບາດ, ຮັບປະກັນລັກສະນະເໝາະສົມ ແລະ ມີປະສິດທິຜົນ.
(ແຫຼ່ງຄັດຈາກ VOV)