28/02/2020 09:36 GMT+7 Email Print Like 0

ຫວຽດນາມ ແລະ ໄທ ເພີ່ມທະວີການພົບປະແລກປ່ຽນນັກຮຽນ, ຄູອາຈານ ແລະ ພະນັກງານຄຸ້ມຄອງການສຶກສາ

ຕອນບ່າຍວັນທີ 26 ກຸມພາ ຢູ່ ຮ່າໂນ້ຍ, ທ່ານ ຝູ່ງຊວັນຍະ, ລັດຖະມົນຕີກະຊວງສຶກສາ ແລະ ບຳລຸງສ້າງ ຫວຽດນາມ ໄດ້ຕ້ອນຮັບທ່ານ ຕານີ ແສງລັດ ເອກອັກຄະລັດຖະທູດ ໄທ ປະຈຳ ຫວຽດນາມ.

ທີ່ການຕ້ອນຮັບ

ທີ່ການຕ້ອນຮັບ, ທ່ານ ຝູ່ງຊວັນຍະ ໄດ້ສະເໜີໃຫ້ທ່ານເອກອັກຄະລັດຖະທູດ   ຕານີ ແສງລັດ ຊຸກຍູ້ເພື່ອໃຫ້ 2 ປະເທດໄດ້ລົງນາມບົດບັນທຶກຊ່ວຍຈຳວ່າດ້ວຍການຮ່ວມມືການສຶກສາທີ່ໄດ້ລົງນາມໃນປີ 2004 ຄືນໃໝ່ໂດຍໄວ; ສືບຕໍ່ໜູນຊ່ວຍບັນດາໂຄງການ, ລາຍການທີ່ພວມໄດ້ຮັບການຜັນຂະຫຍາຍຢູ່ ຫວຽດນາມ ເປັນຕົ້ນແມ່ນຫຼັກສູດການສອນພາສາໄທ ຢູ່ຕາມໂຮງຮຽນມະຫາວິທະຍາໄລຂອງ ຫວຽດນາມ; ໜູນຊ່ວຍຍູ້ແຮງການສິດສອນພາສາ ຫວຽດ ຢູ່ ໄທ; ໜູນຊ່ວຍກະຊວງສຶກສາ ແລະ ບຳລຸງສ້າງໃນການສ້າງຕັ້ງສູນພາສາ ແລະ ການສຶກສາ ຫວຽດນາມ ຢູ່ ໄທ.

ສ່ວນທ່ານເອກອັກຄະລັດຖະທູດ ຕານີ ແສງລັດ ໃຫ້ຮູ້ວ່າ: ຄາດວ່າໃນປີ 2020 ກະຊວງສຶກສາ ໄທ ຈະຈັດຕັ້ງກອງປະຊຸມສຳມະນາ ເພື່ອໃຫ້ຄູອາຈານ ຫວຽດນາມ ແລະ ຄູອາຈານບັນດາປະເທດ ອາຊຽນ ໄດ້ແລກປ່ຽນ, ແບ່ງປັນບົດຮຽນກ່ຽວກັບວິທີສິດສອນ; ໃນປີນີ້, ສະຖານທູດ ໄທ ປະຈຳ ຫວຽດນາມ ກໍ່ຈະຈັດຕັ້ງກອງປະຊຸມຫວນຄືນ 20 ປີແຫ່ງການສິດສອນພາສາໄທ ຢູ່ ຫວຽດນາມ, ພ້ອມກັນນັ້ນ ຈະຈັດຕັ້ງເວທີປາໄສການສຶກສາໄທ ຢູ່ ຫວຽດນາມ ດ້ວຍການເຂົ້າຮ່ວມຂອງຄູອາຈານທີ່ມາຈາກບັນດາມະຫາວິທະຍາໄລຂອງໄທ.

(ແຫຼ່ງຄັດຈາກ VOV)