ເພື່ອແນໃສ່ເພີ່ທະວີການຮ່ວມມືລະຫວ່າງຫວຽດນາມ-ອີຢູ ໃນຂົງເຂດກະສິກຳ, ພິເສດແມ່ນຊຸກຍູ້ການຮ່ວມມືການຄ້າດ້ານຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳ ພາຍຫຼັງສົນທິສັນຍາການຄ້າເສລີຫວຽດນາມ-ອີຢູ (EVFTA) ມີຜົນບັງຄັບໃຊ້ນັບແຕ່ວັນທີ 1 ສິງຫາປີ 2020 ເປັນຕົ້ນໄປນັ້ນ, ຕອນບ່າຍວັນທີ 1 ຕຸລາ, ຢູ່ຮ່າໂນ້ຍ, ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດຫວຽດນາມ ເລມິນຮວານ ໄດ້ໃຫ້ການຕ້ອນຮັບທ່ານ Pier Giorgio Aliberti, ເອກອັກຄະລັດຖະທູດ ຫົວໜ້າຜູ້ຕາງໜ້າຝ່າຍສະຫະພາບເອີລົບ ປະຈຳ ຫວຽດນາມ.
ທີ່ການພົບປະ, ທ່ານລັດຖະມົນຕີເລມິນຮວານ ໄດ້ຢືນຢັນວ່າ: ບັນດາປະເພດຜະລິດຕະພັນກະເສດແລກປ່ຽນລະຫວ່າງສອງຝ່າຍ ມີການເພີ່ມເຕີ່ມໃຫ້ແກ່ກັນ ແລະ ທ່ານປາດຖະໜາວ່າ ບັນດາວິສາຫະກິດອີຢູ ຈະເພີ່ມທະວີການລົງທຶນເຂົ້າຂະແໜງກະສິກຳຫວຍຽດນາມຕາມທິດເຕກໂນໂລຊີສູງ, ປຸງແຕ່ງເລິກ, ນຳໃຊ້ບັນດາມາດຖານຂຽວ, ສິງເແວດລ້ອມຍືນຍົງ. ພ້ອມກັນນັ້ນ ສົ່ງເສີມ, ສ້າງເງື່ອນໄຂໃຫ້ບັນດາວິສາຫະກິດ FDI ຂອງອີຢູ ສົ່ງອອກເຄື່ອງຈັກ, ອຸປະກອນ, ເຕັກໂນໂລຊີ, ວັດຖຸດິບໄປຫວຽດນາມ. ທ່ານຍັງສະເໜີໃຫ້ອີຢູ ພິດຈາລະນາແກ້ໄຂ “ບັດເຫຼືອງ” ໃຫ້ແກ່ຫວຽດນາມ ໂດຍໄວ.ທີ່ການເຮັດວຽກ, ທ່ານລັດຖະມົນຕີ ແລະ ທ່ານເອກອັກຄະລັດຖະທູດ ລ້ວນແຕ່ໄດ້ເຫັນດີເປັນເອກະສັນ ກ່ຽວກັບເລື່ອງສອງຝ່າຍຍັງມີຄວາມສາມາດບົ່ມຊ້ອນຫຼາຍຢ່າງເພື່ອຊຸກຍູ້ການຄ້າຜະລິດຕະພັນກະເສດ. ຄຽງຄູ່ກັບບັນດາປະເພດສິນຄ້າດັ່ງກ່າວ, ຍັງຕ້ອງພິດຈາລະນະຊຸກຍູ້ການຄ້າສຳລັບເຂົ້າສານຂອງຫວຽດນາມ, ໝາກໄມ້, ຜັກຂອງທັງຫວຽດນາມ ແລະ ອີຢູ, ບັນດາຜະລິດຕະພັນປຸງແຕ່ງ….
(ແຫຼ່ງຄັດຈາກ VOV)
