30/01/2020 09:22 GMT+7 Email Print Like 0

ຫວຽດນາມ ພວມຄວບຄຸມເຊື້ອພະຍາດປອດອັກເສບໂດຍໄວຣັດ ໂກໂຣນາ ສາຍພັນໃໝ່ກໍ່ຂຶ້ນເປັນຢ່າງດີ

ອາດເວົ້າໄດ້ວ່າ ຂະແໜງສາທາລະນະສຸກ ຫວຽດນາມ ມີກຳລັງຄວາມສາມາດຢ່າງຄົບຖ້ວນ ເພື່ອຕິດຕາມການປິ່ນປົວທີ່ດີໃຫ້ແກ່ບັນດາກໍລະນີຖືກຕິດເຊື້ອພະຍາດດັ່ງກ່າວ.
“ຫວຽດນາມ ພວມຄວບຄຸມເຊື້ອພະຍາດປອດອັກເສບໂດຍໄວຣັດ ໂກໂຣນາ ສາຍພັນໃໝ່ກໍ່ຂຶ້ນເປັນຢ່າງດີ” ນັ້ນແມ່ນຄຳຢັ້ງຢືນຂອງທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ທີ່ກອງປະຊຸມກັບບັນດາກະຊວງ, ຂະແໜງການກ່ຽວກັບວຽກງານການປ້ອງກັນ, ສະກັດກັ້ນ, ປິ່ນປົວເຊື້ອພະຍາດປອດອັກເສບໂດຍໄວຣັດ ໂກໂຣນາ ສາຍພັນໃໝ່(nCoV) ກໍ່ຂຶ້ນ ໃນຕອນແລງວັນທີ 28 ມັງກອນ ຢູ່ ຮ່າໂນ້ຍ.

(ພາບປະກອບ/TTXVN)

ເລື່ອງໂຮງໝໍ ເຈິເຫຼິຍ ຫວຽດນາມ ປິ່ນປົວຊາວ ຈີນ 1 ຄົນທີ່ຕິດເຊື້ອໄວຣັດ ໂກໂຣນາ ຈົນຫາຍດີເປັນປົກກະຕິ ແລະ ຄົນເຈັບຜູ້ອື່ນໆຈົນມີອາການດີຂຶ້ນນັ້ນ, ອາດເວົ້າໄດ້ວ່າ ຂະແໜງສາທາລະນະສຸກ ຫວຽດນາມ ມີກຳລັງຄວາມສາມາດຢ່າງຄົບຖ້ວນ ເພື່ອຕິດຕາມການປິ່ນປົວທີ່ດີໃຫ້ແກ່ບັນດາກໍລະນີຖືກຕິດເຊື້ອພະຍາດດັ່ງກ່າວ.

        ທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວູດຶກດາມ ໄດ້ຮຽກຮ້ອງໃຫ້ກະຊວງສາທາລະນະສຸກ ຫວຽດນາມ ສ້າງຕັ້ງ 40 ທິມງານເຄື່ອນທີ່ໂດຍໄວ ເພື່ອສາມາດແຍກຕົວຜູ້ຖືກສົງໄສວ່າ ໄດ້ຕິດໄວຣັດ ໂກໂຣນາ ອອກຢູ່ຕ່າງຫາກ ແລະ ປິ່ນປົວຢູ່ກັບທີ່. ທ່ານຮອງນາຍົກລັດຖະມົນຕີກໍ່ຮຽກຮ້ອງໃຫ້ບັນດາໂຮງໝໍຂັ້ນສູນກາງ, ຂັ້ນແຂວງສ້າງຕັ້ງທິມງານເຄື່ອນທີ່ໂດຍໄວ ເພື່ອຮັບມືຕໍ່ເຊື້ອພະຍາດໃນບໍລິເວນ.     ໃນຂະນະນັ້ນ, ບັນດາທ້ອງຖິ່ນຕ່າງໆຂອງ ຫວຽດນາມ ກໍ່ຜັນຂະຫຍາຍບັນດາມາດຕະການປ້ອງກັນ, ຕ້ານເຊື້ອພະຍາດປອດອັກເສບໂດຍໄວຣັດ ໂກໂຣນາ ສາຍພັນໃໝ່ກໍ່ຂຶ້ນໂດຍໄວ.

 (ແຫຼ່ງຄັດຈາກ VOV)