ຫວຽດນາມສະໜັບສະໜູນຄວາມພະຍາຍາມຊຸກຍູ້ການເຈລະຈາແລະຮັກສາສັນຕິພາບຢູ່ແຫຼມເກົາຫຼີ
ວັນທີ 19/5/2017, ເມື່ອຕອບຄຳຖາມຂອງນັກຂ່າວທີ່ສະເໜີໃຫ້ຮູ້ປະຕິກິລິຍາຂອງ ຫວຽດນາມ ຕໍ່ເລື່ອງ ສປປ ເກົາຫຼີ ຍິງທົດລອງລູກສອນໄພນຳວິຖີເມື່ອວັນທີ 14/5/2017, ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດ ຫວຽດນາມ ຢືນຢັນວ່າ:
ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດ ຫວຽດນາມ
(ພາບປະກອບ: vietnamnet.vn)
“ຫວຽດນາມມີຄວາມເອົາໃຈໃສ່ເຖິງບັນດາການຜັນແປຫວ່າງແລ້ວນີ້ທີ່ກ່ຽວຂ້ອງເຖິງແຫຼມ ເກົາຫຼີ ແລະ ວິຕົກກັງວົນຕໍ່ເລື່ອງ ສປປ ເກົາຫຼີ ຍິງທົດລອງລູກສອນໄພນຳວິຖີເມື່ອວັນທີ 14/5/2017, ອັນໄດ້ລະເມີດບັນດາມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ສະຫະປະຊາຊາດ. ຫວຽດນາມ ສະໜັບສະໜູນຄວາມມານະພະຍາຍາມຊຸກຍູ້ການເຈລະຈາ ແລະ ຮັກສາສັນຕິພາບ, ສະຖຽນລະພາບໃນແຫຼມເກົາຫຼີ.
ເລື່ອງຮັກສາສັນຕິພາບ, ສະຖຽນລະພາບ ແລະ ການພັດທະນາວັດທະນາຖາວອນຂອງພາກພື້ນ, ແມ່ນຜົນປະໂຫຍດ ແລະ ຄວາມຮັບຜິດຊອບລວມຂອງປະເທດຕ່າງໆ. ຫວຽດນາມ ສະເໜີບັນດາປະເທດປະຕິບັດບັນດາມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ສະຫະປະຊາຊາດ ຢ່າງເຂັ້ມງວດ ແລະ ມີບັນດາການກະທຳທີ່ມີລັກສະນະສ້າງສັນ, ປະກອບສ່ວນຢ່າງແທດຈິງເຂົ້າໃນການຮັກສາສັນຕິພາບ, ຄວາມໝັ້ນຄົງ ແລະ ສະຖຽນລະພາບຂອງພາກພື້ນ ແລະ ໃນໂລກ“.
(ແຫຼ່ງຄັດຈາກ VOV)