ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດຫວຽດນາມ
(ພາບ: VTC)
“ດ້ວຍການກະກຽມຢ່າງລອບຄອບທີ່ຖ້ວນ, ຈາກພິທີການ, ພະລາທິການ, ຄວາມສະຫງົບ, ສາທາລະນະສຸກ, ສື່ມວນຊົນ, ໄດ້ພິສູດໃຫ້ເຫັນວ່າ ຫວຽດນາມ ມີຄວາມສາມາດຢ່າງພຽງພໍເພື່ອເປັນເຈົ້າພາບຈັດບັນດາເຫດການໃຫຍ່ຂອງສາກົນ”. ນັ້ນແມ່ນຄຳຢືນຢັນຂອງທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດຫວຽດນາມ, ໃນວັນທີ 28 ກຸມພາ, ຢູ່ສູນສື່ມວນຊົນສາກົນ.
ມາຮອດປະຈຸບັນ, ສູນສື່ມວນຊົນສາກົນໄດ້ຮັບໃຊ້ກອງປະຊຸມສຸດຍອດລະຫວ່າງອາເມລິກາ - ສປປ.ເກົາຫຼີ ຄັ້ງທີ 2 ກ້າວເຂົ້າສູ່ການເຄື່ອນໄຫວທີ 3. ທ່ານນາງ ເລທິທູຮັ່ງ ໃຫ້ຮູ້ວ່າ: ຜ່ານການສັງເກດ ແລະ ພ້ອມກັບການຕີລາຄາຈາກສະຖານທູດສ.ເກົາຫຼີ ປະຈຳຫວຽດນາມ, ສະຖານທູດອາເມລິກາ ປະຈຳຫວຽດນາມ ໄດ້ແບ່ງປັນຂໍ້ສັງເກດວ່າ: ສູນສື່ມວນຊົນຮັບໃຊ້ກອງປະຊຸມບັນລຸມາດຕະຖານສາກົນ, ທັນສະໄໝ ແລະ ຄົບຊຸດ, ຕອບສະໜອງການເຄື່ອນໄຫວຈຳເປັນຂອງນັກຂ່າວ.
ເມື່ອເວົ້າເຖິງຄວາມໝາຍຂອງເລື່ອງຫວຽດນາມ ໄດ້ເລືອກເຟັ້ນເປັນສະຖານທີ່ຈັດຕັ້ງກອງປະຊຸມສຸດຍອດອາເມລິກາ - ສປປ.ເກົາຫຼີ ຄັ້ງທີ 2, ທ່ານນາງ ເລທິທູຮັ່ງ ໃຫ້ຮູ້ວ່າ: ເລື່ອງຮ່າໂນ້ຍ ໄດ້ເລືອກເຟັ້ນເປັນສະຖານທີ່ຈັດກອງປະຊຸມສຸດຍອດອາເມລິກາ - ສປປ.ເກົາຫຼີ ຄັ້ງທີ 2 ແມ່ນສະແດງໃຫ້ເຫັນຄວາມໄວ້ເນື້ອເຊື່ອໃຈສຳລັບຫວຽດນາມ, ຜ່ານນັ້ນເຫັນໄດ້ບົດບາດ, ທີ່ຕັ້ງ, ອິດທິພົນຊື່ສຽງຂອງຫວຽດນາມ ໃນປະຊາຄົມສາກົນ ແລະ ສຳລັບບັນດາຄູ່ຮ່ວມມື.
(ແຫຼ່ງຄັດຈາກ VOV)
