ທ່ານເອກອັກຄະລັດຖະທູດ ດັ້ງດິ່ງກຸ໊ຍ ໃຫ້ຮູ້ວ່າ ຫວຽດນາມ ມານະພະຍາຍາມ ເພື່ອບັນລຸໄດ້ໝາກຜົນທີ່ດີທີ່ສຸດ ຂອງປະເທດຊາດຢູ່ເວທີປາໄສທົ່ວໂລກ, ປົກປັກຮັກສາໄດ້ຜົນປະໂຫຍດຄວາມໝັ້ນຄົງ, ການພັດທະນາຂອງປະເທດ, ຍົກສູງທີ່ຕັ້ງ ແລະ ອິດທິພົນຊື່ສຽງ ຂອງ ຫວຽດນາມ ແລະ ຕາມທ່ານ ດັ້ງດິ່ງກຸ໊ຍແລ້ວ, ນີ້ກໍ່ແມ່ນຂໍ້ສັງເຫດລວມຂອງ 193 ປະເທດສະມາຊິກ ສປຊ. 
            ທ່ານເອກອັກຄະລັດຖະທູດ ດັ້ງດິ່ງກຸ໊ຍ ໃຫ້ຮູ້ວ່າ ຫວຽດນາມ ມານະພະຍາຍາມ ເພື່ອບັນລຸໄດ້ໝາກຜົນທີ່ດີທີ່ສຸດ ຂອງປະເທດຊາດຢູ່ເວທີປາໄສທົ່ວໂລກ, ປົກປັກຮັກສາໄດ້ຜົນປະໂຫຍດຄວາມໝັ້ນຄົງ, ການພັດທະນາຂອງປະເທດ, ຍົກສູງທີ່ຕັ້ງ ແລະ ອິດທິພົນຊື່ສຽງ ຂອງ ຫວຽດນາມ ແລະ ຕາມທ່ານ ດັ້ງດິ່ງກຸ໊ຍແລ້ວ, ນີ້ກໍ່ແມ່ນຂໍ້ສັງເຫດລວມຂອງ 193 ປະເທດສະມາຊິກ ສປຊ. ພ້ອມກັບບັນດາປະເທດຕ່າງໆໃນກຸ່ມ E10 (ບັນດາປະເທດກຳມະການບໍ່ປະຈຳການຂອງ ສະພາຄວາມໝັ້ນຄົງ ສປຊ), ຫວຽດນາມຍາມໃດກໍ່ແມ່ນຂົວເຊື່ອມຕໍ່ເພື່ອຊ່ວຍໃຫ້ກຸ່ມ P5 (ບັນດາປະເທດກຳມະການປະຈຳການສະພາຄວາມໝັ້ນຄົງ ສປຊ) ສາມາດເຂົ້າໃຈກັນກ່ວາ ແລະ ຫຼຸດຜ່ອນບັນດາສະພາບການບໍ່ມີທາງອອກ, ຊັກຊ້າ, ມີປະສິດທິຜົນຕ່ຳ ຢູ່ສະພາຄວາມໝັ້ນຄົງ ສປຊ ຍ້ອນຄວາມບໍ່ລົງລອຍກັນລະຫວ່າງບັນດາປະເທດນີ້.
            ເດືອນເມສາ ປີ 2021, ຫວຽດນາມຈະຮັບດຳລົງຕຳແໜ່ງປະທານໝູນວຽນສະພາຄວາມໝັ້ນຄົງ ສປຊ ແລະ ກໍ່ແມ່ນຄັ້ງສຸດທ້າຍໃນອາຍຸການ 2020 – 2021. ທ່ານເອກອັກຄະລັດຖະທູດ ດັ້ງດິ່ງກຸ໊ຍ ຖືວ່າ ນີ້ຈະແມ່ນສິ່ງທ້າທາຍບໍ່ແມ່ນນ້ອຍ ຍ້ອນວ່າ ຫວຽດນາມ ຢາກບັນລຸໄດ້ໝາກຜົນທີ່ໃຫຍ່ກ່ວາເມື່ອທຽບໃສ່ກັບຜົນສຳເລັດຂອງເດືອນດຳລົງຕຳແໜ່ງປະທານຄັ້ງທຳອິດ ເມື່ອເດືອນ ມັງກອນປີ 2020.