ຂ່າວສານ

ຫວຽດນາມກາຍເປັນຄູ່ຄ້າໃຫຍ່ສຸດຂອງຈີນໃນພາກພື້ນ ອາຊຽນ

27/07/2018

ປັດຈຸບັນ, ຫວຽດນາມໄດ້ກາຍເປັນຄູ່ຄ້າໃຫຍ່ສຸດຂອງຈີນໃນພາກພື້ນອາຊຽນ. ນີ້ແມ່ນແຫຼ່ງຂໍ້ມູນຂ່າວ ໂດຍທ່ານ ຫູ່ສົວຈີ້ນ ທູດການຄ້າ, ສະຖານທູດຈີນປະຈໍາຫວຽດນາມ, ແຈ້ງໃຫ້ຊາບທີ່ການປະຊຸມຂ່າວ ໂດຍທ່ານເອກອັກຄະລັດຖະທູດຈີນປະຈໍາຫວຽດນາມຈັດຂຶ້ນຢູ່ຮ່າໂນ້ຍ.

ການປະຊຸມຂ່າວ ໂດຍທ່ານເອກອັກຄະລັດຖະທູດຈີນປະຈໍາຫວຽດນາມຈັດຂຶ້ນຢູ່ຮ່າໂນ້ຍ
(ພາບ:Dao Tung/Bnews/TTXVN)

ຕາມທ່ານ ຫູ່ສົວຈີ້ນ ແລ້ວ, ໃນໄລຍະ 6 ເດືອນຕົ້ນປີ 2018, ຍອດວົງເງິນການຄ້າລະຫວ່າງຈີນ ແລະ ຫວຽດນາມ ຄາດວ່າບັນລຸໄດ້ 66 ຕື້ USD. ສິ່ງທີ່ໜ້າສົນໃຈແມ່ນ ວົງເງິນການຄ້າສະເລ່ຍແຕ່ລະເດືອນລະຫວ່າງສອງປະເທດ ເປັນຄັ້ງທໍາອິດໃນປະຫວັດສາດລື່ນກາຍຕົວເລກ 10 ຕື້ USD . ໃນນັ້ນ, ລະດັບເຕີບໂຕສົ່ງອອກຂອງຈີນເຂົ້າຫວຽດນາມຄາດວ່າບັນລຸ 23,5%, ສູງທີ່ສຸດໃນກຸ່ມອາຊຽນ ແລະ ຫວຽດນາມ ນອນໃນ Top 10 ຕະຫຼາດສົ່ງອອກໃຫຍ່ທີ່ສຸດຂອງຈີນໃນທົ່ວໂລກ. ກົງກັນຂ້າມ, ລະດັບເຕີບໂຕຂອງຫວຽດນາມໄປຍັງຈີນບັນລຸ 37,4%, ຢືນອັນດັບໜຶ່ໃນກຸ່ມອາຊຽນ.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.