ຂ່າວສານ
ສະພາແຫ່ງຊາດ ກໍາປູເຈຍ ຮັບຮອງເອົາອະນຸສັນຍາກ່ຽວກັບວຽກງານຂີດຂັ້ນປັກຫຼັກໝາຍຊາຍແດນທາງບົກກັບ ຫວຽດນາມ
ດ່ານຊາຍແດນ ໂມກບ່າຍ ແຂວງ ໄຕນິງ, ຫວຽດນາມ (ພາບ:baoquocte.vn)
ຂ່າວຈາກສະພາແຫ່ງຊາດ ກຳປູເຈຍ ໃຫ້ຮູ້ວ່າ ໃນວາລະປະຊຸມຄົບຄະນະທີ່ດຳເນີນໃນວັນທີ 2 ພະຈິກ, ສະມາຊິກລັດຖະສະພາ ກຳປູເຈຍ 116 ທ່ານໄດ້ຮັບຮອງເອົາຮ່າງກົດໝາຍວ່າດ້ວຍອະນຸສັນຍາເສັ້ນຊາຍແດນທາງບົກ ແລະ ວຽກງານຂີດຂັ້ນປັກຫຼັກໝາຍຊາຍແດນທາງບົກລະຫວ່າງສອງປະເທດ ທີ່ໄດ້ຍື່ນສະເໜີຕໍ່ສະພາລັດຖະມົນຕີ ກຳປູເຈຍ ແຕ່ວັນທີ 9 ຕຸລາ ຜ່ານມາ.
ກ່ອນໜ້ານັ້ນ, ວັນທີ 27 ສິງຫາ ຜ່ານມາ, ທ່ານ Var Kimhong ລັດຖະມົນຕີຂັ້ນສູງ ຮັບຜິດຊອບ ຄະນະກຳມະການຊາຍແດນ ກຳປູເຈຍ ໄດ້ແຈ້ງໃຫ້ຊາບວ່າ ລັດຖະບານລາຊະອານາຈັກ ກຳປູເຈຍ ຈະສົ່ງແຜນທີ່ພູມສັນຖານຊາຍແດນ ເຊິ່ງ ກຳປູເຈຍ ແລະ ຫວຽດນາມ ໄດ້ຕົກລົງເປັນເອກະພາບກັນ ເຖິງ ສປຊ ເກັບຮັກສາ ເພື່ອໄດ້ຮັບການຮັບຮອງຈາກປະຊາຄົມສາກົນ.
(ແຫຼ່ງຄັດຈາກ VOV)
